Andhra Pradesh news: తెదేపా సానుభూతిపరుడిపై వైకాపా నేతల దాడి

రెంటచింతల: పల్నాడు జిల్లా రెంటచింతల మండలం రెంటాళ్లలో తెదేపా సానుభూతిపరుడు సర్వారెడ్డిపై వైకాపా నేతలు దాడికి పాల్పడ్డారు. అతడి కారును కూడా ధ్వంసం చేశారు. గాయపడిన సర్వారెడ్డిని స్థానికులు గురజాల ఆస్పత్రికి తరలించారు. కాగా, ఆస్పత్రికి తరలిస్తున్న క్రమంలో మరోసారి అతడిపై వైకాపా నేతలు మరోసారి దాడి చేశారు. బలవంతంగా రెంటచింతల పోలీస్‌స్టేషన్‌కు తీసుకెళ్లారు. అతడిపై కేసు పెట్టేందుకు ప్రయత్నించారు. మరోవైపు ఇవాళ ఉదయమే సర్వారెడ్డి ఇంటికి మాచర్ల తెదేపా ఇన్‌ఛార్జి జూలకంటి బ్రహ్మారెడ్డి వెళ్లారు. ఆ తర్వాతే ఈ ఘటన చోటు చేసుకోవడం గమనార్హం.