పీఎస్‌ఎల్‌వీ-సి53లో నూతన సాంకేతికత

శ్రీహరికోట, న్యూస్‌టుడే: ఈనెల 30న పీఎస్‌ఎల్‌వీ-సి53ని నింగిలోకి పంపేందుకు సన్నాహాలు చేస్తున్న ఇస్రో అదే సమయంలో నూతన అంశాలపై ప్రయోగం చేయనుంది. ఈ ప్రయోగం ద్వారా సింగపూర్‌, అమెరికా, కొరియా దేశాలకు చెందిన ఉపగ్రహాలను నిర్ణీత కక్ష్యలోకి ప్రవేశపెట్టనుంది. సాధారణంగా ఉపగ్రహాలను ప్రవేశపెట్టిన అనంతరం చివరిదైన నాలుగో దశలో రాకెట్‌ శకలాలుగా మారిపోతుంది. ఈసారి అలాకాకుండా రాకెట్‌ అందులో మిగిలి ఉండే ఇంధనం సాయంతోనే మరికొన్నేళ్లపాటు అంతరిక్షంలో తిరుగుతూ వివిధ అంశాలకు సంబంధించిన డేటాను అందించేలా సాంకేతికతను రూపొందిస్తున్నారు. ‘ఆజాదీ అమృత్‌ మహోత్సవ్‌’ సందర్భంగా ఈసారి రాకెట్‌లో మనదేశానికి చెందిన ప్రతిజ్ఞ్ఞను, జాతీయ జెండాను పొందుపరచి పంపనున్నారు.