ఒపెక్‌ సెక్రటరీ జనరల్‌ కన్నుమూత

అబూజా: పెట్రోలియం ఎగుమతి దేశాల సంస్థ (ఒపెక్‌) సెక్రటరీ జనరల్‌ మహమ్మద్‌ బర్కిండో (63) మంగళవారం రాత్రి నైజీరియా రాజధాని అబూజాలో కన్నుమూశారు. వాతావరణ మార్పుల పరమైన ఒత్తిళ్ల నేపథ్యంలో చమురు పరిశ్రమ వర్గాలకు మద్దతుగా నైజీరియా అధ్యక్షుడు ముహమ్మదు బుహారీతో మాట్లాడిన కొన్ని గంటల వ్యవధిలో ఈ పరిణామం చోటుచేసుకుంది. ఈ నెలాఖరు వరకు ఆయన పదవీకాలం ఉంది. మరణానికి కారణాలు తెలియరాలేదు. కొవిడ్‌-19 సంక్షోభానంతరం ఇబ్బందుల్లో ఉన్న పరిశ్రమకు ఆయన కీలక సేవలు అందించారని ఒపెక్‌ దేశాలు పేర్కొన్నాయి. బర్కిండో తమకు మిత్రునిగా ఉండేవారని భారత్‌ పేర్కొంది. ఆయన మృతి ప్రపంచ ఇంధన రంగానికే పెద్దలోటు అని కేంద్రమంత్రి ధర్మేంద్ర ప్రధాన్‌ పేర్కొన్నారు.