Rahul Dravid: ప్రయోగాలు ఊరకే చేయం.. వాటికీ కారణాలుంటాయ్.. రాహుల్ ద్రవిడ్
టీమ్ఇండియా మిడిల్ ఆర్డర్లో తరచూ మార్పులు చేయడానికి గల కారణాలను భారత ప్రధాన కోచ్ రాహుల్ ద్రవిడ్ (Rahul Dravid) వివరించాడు.
ఇంటర్నెట్ డెస్క్: వన్డే ప్రపంచకప్నకు సమయం దగ్గరపడుతున్నా భారత జట్టు (Team India)లో కచ్చితంగా ఈ ఆటగాడు ఉంటాడని చెప్పలేని పరిస్థితి. ముఖ్యంగా తుది జట్టు కూర్పు ఎలా ఉంటుంది, మిడిల్ ఆర్డర్లో ఏ స్థానంలో ఆడతాడనే దానిపై ఇంకా స్పష్టత లేదు. ఈ పరిస్థితి తలెత్తడానికి కారణాలు లేకపోలేదు. రిషభ్ పంత్, శ్రేయస్ అయ్యర్, కేఎల్ రాహుల్ వరుసగా గాయాల బారిన పడటంతో మిడిల్ ఆర్డర్లో ఆటగాళ్లను మారుస్తూ వచ్చారు. దీంతో ఆటగాళ్ల స్థానాలపై గందరగోళ పరిస్థితి నెలకొంది. ఈ అంశంపై భారత ప్రధాన కోచ్ రాహుల్ ద్రవిడ్ (Rahul Dravid) ఆసియా కప్ కోసం శ్రీలంకకు బయలుదేరే ముందు నిర్వహించిన ప్రెస్ కాన్ఫరెన్స్లో మాట్లాడాడు. టీమ్ మేనేజ్మెంట్ దాదాపు 18 నెలల క్రితమే వన్డే ప్రపంచ కప్ (World Cup 2023) కోసం నాలుగు, ఐదు స్థానాల్లో ఏ ఆటగాళ్లు ఆడాలనే దానిపై నిర్ణయం తీసుకుందని పేర్కొన్నాడు. అయితే, స్వల్ప వ్యవధిలో ముగ్గురు ఆటగాళ్లు గాయపడటంతో ఇటీవల కాలంలో ఇతర ఆటగాళ్లను మిడిల్ ఆర్డర్లో ఆడించామని పేర్కొన్నాడు.
ఈ ప్రపంచకప్లో అత్యధిక వికెట్ల వీరుడు అతడే: వివియన్ రిచర్డ్స్
‘‘బ్యాటింగ్ ఆర్డర్లో నాలుగు, ఐదు స్థానాల గురించి చాలాకాలంగా చర్చ నడుస్తోంది. ఆ స్థానాల్లో ఎవరు ఆడాలనే దానిపై మాకు స్పష్టత లేదనే ప్రచారం జరుగుతోంది. కానీ, ఈ రెండు స్థానాల కోసం 18-19 నెలల ముందుగానే ముగ్గురు ఆటగాళ్లను సెలెక్ట్ చేసుకున్నాం. వారేవరో కాదు శ్రేయస్ అయ్యర్, కేఎల్ రాహుల్, రిషభ్ పంత్. కానీ, దురదృష్టవశాత్తు ఈ ముగ్గురు కొన్ని నెలల వ్యవధిలో గాయాల బారినపడి శస్త్రచికిత్స చేయించుకున్నారు. ప్రపంచకప్ నాటికి ఈ ఆటగాళ్లు ఫిట్గా లేకపోతే ఆ స్థానాల్లో ఎవరు రాణించగలరో తెలుసుకోవడం కోసం కొంతమందిని ఆడించాం. వీటి గురించి ఆలోచించకుండానే ప్రయోగాలు చేస్తున్నామని అంటున్నారు. కొన్నిసార్లు ఇలా చేయడానికి నిర్దిష్టమైన కారణాలు ఉంటాయి. శ్రేయస్ అయ్యర్ కోలుకున్నాడు. ఇప్పుడు అతడికి ఆడే అవకాశాలివ్వాలి. ఆసియా కప్లో ఛాన్స్లు ఇచ్చి ప్రపంచ కప్ కోసం అతడిని సిద్ధం చేయగలమని భావిస్తున్నా. ప్రస్తుతం అతడు అన్ని విధాలుగా మ్యాచ్కు సిద్ధంగా ఉన్నాడు’’ అని రాహుల్ ద్రవిడ్ వివరించాడు. మరోవైపు, ఆగస్టు 30 నుంచి ఆసియా కప్ ప్రారంభంకానుంది. సెప్టెంబరు 2న పాకిస్థాన్తో భారత్ తన తొలి మ్యాచ్ ఆడనుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అవే సిరాజ్ బలాలు
తనపై తనకి నమ్మకం, వెనుదీయని తత్వం పేసర్ మహ్మద్ సిరాజ్ నిజమైన బలాలని సునీల్ గావస్కర్ అన్నాడు. ‘‘మైదానంలో సిరాజ్ సర్వశక్తులూ ఒడ్డుతాడు. -
పుజారా శతకం
భారత టెస్టు జట్టులోకి పునరాగమనం చేయాలని ఆశిస్తున్న సీనియర్ బ్యాటర్ చెతేశ్వర్ పుజారా ఈ కౌంటీ సీజన్లో తొలి శతకం సాధించాడు. ససెక్స్కు ప్రాతినిధ్యం వహిస్తున్న పుజారా..
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (06/05/24)
-
మోదీజీ.. ఇకనైనా మౌనం వీడండి: సెక్స్ కుంభకోణంపై కాంగ్రెస్
-
పార్టీ కార్యకర్తపై చేయి చేసుకున్న డీకే శివకుమార్!
-
ఆ సిబిల్ స్కోర్ చూస్తే జాతకం బయటపడుతుంది: ‘కర్మ’పై పూరి జగన్నాథ్
-
‘పోలీసుల నోటీసులు పట్టించుకోవద్దు’ - సిబ్బందికి బెంగాల్ గవర్నర్ ఆదేశం
-
ఎంత ఘోరం! మూగ బిడ్డని మొసళ్లున్న నదిలో విసిరేసిన తల్లి!