కేంద్రానికి కృతజ్ఞతలు

30 లక్షల టన్నుల బియ్యం సేకరణకు ఆదేశించింది: కిషన్‌రెడ్డి

ఈనాడు, హైదరాబాద్‌: రాష్ట్రం నుంచి 30 లక్షల టన్నుల పారాబాయిల్డ్‌ బియ్యం సేకరణకు కేంద్రం ఆదేశాలు జారీ చేసినందుకు భాజపా రాష్ట్ర అధ్యక్షుడు, కేంద్రమంత్రి జి.కిషన్‌రెడ్డి కృతజ్ఞతలు తెలిపారు. 2023-24 వానాకాలం, యాసంగి సీజన్‌లకు సంబంధించి ఈ మేరకు సేకరించేందుకు కేంద్ర ప్రభుత్వం ఆమోదం తెలిపిందని ఆయన సోమవారం ఓ ప్రకటనలో పేర్కొన్నారు. ఈ నిర్ణయంతో తెలంగాణ రైతులకు ఎంతో మేలు జరుగుతుందని పేర్కొంటూ కేంద్ర ఆహార, ప్రజా పంపిణీ వ్యవహారాల శాఖ మంత్రి పీయూష్‌ గోయల్‌కు ధన్యవాదాలు తెలిపారు. రాష్ట్ర ప్రభుత్వం ఆలస్యం చేయకుండా కనీస మద్దతు ధరను, ప్రత్యేక హామీగా ఇచ్చిన రూ.500 బోనస్‌ను చెల్లించి రైతుల నుంచి ధాన్యాన్ని వెంటనే సేకరించాలన్నారు.

భాజపాలో చేరిన పీఆర్‌టీయూ మాజీ నేతలు

పీఆర్‌టీయూ మాజీ నేత చెన్నకేశవరెడ్డి, మరికొందరు నేతలు సోమవారం కిషన్‌రెడ్డి సమక్షంలో భాజపా రాష్ట్ర కార్యాలయంలో కాషాయ కండువా కప్పుకొన్నారు.