Updated : 06/12/2022 05:45 IST

బాలింతలకు మేలుచేసే నారింజ

ఈ కాలంలో నారింజ పండ్లకు లోటు లేదు. కానీ కమలాలను ఇష్టపడినట్లుగా వాటి పట్ల మక్కువ కలగదు. ఆ ఆకుపచ్చ రంగు చూడగానే పుల్లగా ఉంటాయనో, జలుబు చేస్తుందనో మనలో చాలామంది వెనకడుగు వేస్తుంటాం! కానీ సీజన్లలో దొరికే పండ్లను తప్పకుండా తినమంటున్నారు ఆహార నిపుణులు. నారింజలు ఎంత మేలు చేస్తాయో తెలుసుకుంటే వాటిని నిర్లక్ష్యం చేయరు...

* నారింజలో పొటాషియం, క్యాల్షియం, విటమిన్లు, ప్రొటీన్లు, పీచు ఉన్నందున ఇదెంతో మేలు చేస్తుంది. ముఖ్యంగా మెండుగా ఉన్న సి-విటమిన్‌ రోగనిరోధకశక్తిని పెంచి జలుబూ జ్వరాల వంటి సాధారణ సమస్యలు మొదలు ఇతర అనారోగ్యాలనూ రానివ్వదు.

* గర్భిణీ, బాలింత, నవజాత శిశువులకు అవసరమైన బి-9 విటమిన్‌ నారింజలో సహజ సిద్ధంగా దొరుకుతుంది.

* నారింజరసం తాగడం వల్ల కంటిచూపు మెరుగ్గా ఉంటుంది. చర్మం మృదువుగా, నిగారింపుతో ఉంటుంది.

* మధుమేహ రోగులు కూడా నారింజ పండ్లు భేషుగ్గా తినొచ్చు. ఇవి రక్తంలో చక్కెర స్థాయిని నియంత్రిస్తాయి. 

* ఎనీమియాతో బాధపడుతున్న వారు ఈ రసం తీసుకోవడం వల్ల సత్వర ఫలితం ఉంటుంది.

* వీటిలోని పీచు జీర్ణప్రక్రియకు దోహదం చేస్తే, యాంటీ ఇన్‌ఫ్లమేటరీ గుణాలు గాయాలను త్వరగా మాన్పుతాయి.

* శరీరం ఐరన్‌ను త్వరగా గ్రహించేలా చేస్తాయీ పండ్లు. కొలెస్ట్రాల్‌ స్థాయిని తగ్గిస్తాయి. గుండెజబ్బులు, ఆర్థరైటిస్‌లను నియంత్రిస్తాయి. క్యాన్సర్‌, అల్జీమర్స్‌ లాంటి మహమ్మారులను నిరోధిస్తాయని అధ్యయనాలు చెబుతున్నాయి.

* ఎముకలు, దంతాలను దృఢంగా ఉంచుతాయి. కండరాలను బలోపేతం చేస్తాయి. రక్తపోటును అదుపులో ఉంచుతాయి.

* ఈ పండును కోసిన వెంటనే తినాలి. ఆలస్యమైనకొద్దీ సి-విటమిన్‌ ఆవిరైపోతుంది.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని