Breaking | Feedback | ePratibha | E-PAPER | Pratibha

ఎండుకొమ్మలూ... అతికించే అద్దాలే అందం!

చిన్న ఇల్లైనా సరే... చక్కగా సర్దుకోవడం మన చేతుల్లోనే ఉంది. ఇందుకోసం కాస్త సమయం, శ్రద్ధ పెడితే చాలు... పెద్దగా ఖర్చు అవసరం లేకుండానే కళకళలాడేలా చేయొచ్చు.

Updated : 26 Dec 2022 06:41 IST

* హాల్లోకి అడుగుపెట్టగానే...ఆహ్లాదంగా అనిపించాలి. అందుకే వీలైనంత తక్కువ ఫర్నిచర్‌ ఉండేలా చూసుకోండి. గోడలకు కనిపించినవన్నీ వేలాడదీయొద్దు. అలాగని ప్లెయిన్‌గా ఉంటే....ఇలా చేయండి. ఓ చిన్న హోల్డర్‌ అతికించండి. ఇప్పుడు బలంగా ఉండే ఓ ఎండు కొమ్మని తీసుకుని దాన్ని నచ్చిన రంగుతో పెయింట్‌ చేయండి. దీనికి ఊలు దారంతో పామ్‌ పామ్‌ బాల్స్‌, టాసిల్స్‌ వంటివి తీరైన ఆకృతిలో వేలాడదీసి దాన్ని గోడకి హ్యాంగ్‌ చేస్తే చాలు. గదికే అందం వస్తుంది.

* ఫొటోలంటే ఎవరికి ఇష్టం ఉండదు....మీకూ ఆ ఆసక్తి ఉంటే ఒకే ఆకృతిలో ఉండే ఆరేడు ఫ్రేమ్స్‌ని ఎంచుకోండి. ఇందులో పిల్లలవో, మీవో...వయసుల వారీగా పెట్టేసి...గోడకు తగిలిస్తే సరి.

* చూడచక్కని ప్రకృతి అందాలూ, ప్రపంచ అద్భుతాలు ఇప్పుడు వినైల్‌ స్టిక్కర్ల రూపంలో దొరుకుతున్నాయి. మీకు నచ్చేదాన్ని ఒకదాన్ని హాలు గోడపై అంటించేస్తే సరి. చూడగానే కళ్లు తిప్పుకోనివ్వకుండా చేస్తుంది.

* ఇప్పుడు ఇంటీరియర్‌లో అద్దాలదే హవా. ఇవి స్టిక్కర్ల రూపంలో దొరుకుతున్నాయి. వీటిని ఓ ఆకృతి ప్రకారం సర్దేస్తే... ఇంటికి కొత్త కళ వచ్చేస్తుంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.