South Africa: దక్షిణాఫ్రికా నైట్‌క్లబ్‌లో అనుమానాస్పద స్థితిలో 17 మంది మృతి

ఇంటర్నెట్‌డెస్క్: దక్షిణాఫ్రికాలోని ఈస్ట్‌లండన్‌ సిటీలోని ఒక నైట్‌ క్లబ్‌లో నేడు 17 మంది అనుమానాస్పద స్థితిలో మృతి చెందారు. ఈ విషయం ఆదివారం తెల్లవారుజామున బయటకు వచ్చింది. ఈ క్లబ్‌లో పలు ప్రదేశాల్లో మృతదేహాలు పడిఉన్నట్లు సమాచారం. మృతుల శరీరాలపై గాయాలు లేకపోవడంతో.. మరణానికి కారణాలు వెంటనే చెప్పలేమని పోలీసు అధికారులు పేర్కొంటున్నారు. మృతుల సంఖ్య మరింత పెరగవచ్చని చెబుతున్నారు.

ఈ ఘటనపై ఈస్టర్న్‌ కేప్‌ పోలీసు ప్రతినిధి బ్రిగేడియర్‌ టెంబిన్‌కోసి కినాన స్పందిస్తూ ‘‘17 మంది మృతి చెందినట్లు పోలీసులు ధ్రువీకరిస్తున్నారు. ఈ ఘటన ఈస్ట్‌లండన్‌లోని సీనరీ పార్క్‌లో చోటు చేసుకొంది. అక్కడున్న పరిస్థితులను అధ్యయనం చేస్తున్నాం. ఈ సమయంలో ఎటువంటి పుకార్లకు అవకాశం ఇవ్వం’’ అని పేర్కొన్నారు. మృతుల బంధువులు ఆ ప్రాంతానికి చేరుకొని తమ బిడ్డల మృతదేహాలు ఇవ్వాలని డిమాండ్‌ చేస్తున్నారు. మృతుల సంఖ్య 22 వరకు ఉండొచ్చనే ప్రచారం కూడా జరుగుతోంది.

► Read latest World News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.