బైడెన్‌ నివాసంలో ఎఫ్‌బీఐ సోదాలు

రహస్య పత్రాల వ్యవహారం

వాషింగ్టన్‌: దేశ రహస్య పత్రాల విషయంలో ఆరోపణలు ఎదుర్కొంటున్న అమెరికా అధ్యక్షుడు జో బైడెన్‌ నివాసంలో ఎఫ్‌బీఐ బుధవారం దాడులు నిర్వహించింది. రిహొబొత్‌ బీచ్‌ ప్రాంతంలో ఉన్న ఆయన నివాసంలో సోదాలు జరిగినట్లు అధ్యక్షుడి వ్యక్తిగత న్యాయవాది వెల్లడించారు. తన నివాసంలో సోదాలు నిర్వహించేందుకు న్యాయ విభాగానికి అధ్యక్షుడు పూర్తి స్వేచ్ఛను ఇచ్చారు. విల్మింగ్టన్‌లో ఉన్న బైడెన్‌ నివాసంలో జనవరి 20న 13గంటల పాటు సోదాలు నిర్వహించిన న్యాయ విభాగం అధికారులు కొన్ని రహస్య పత్రాలను స్వాధీనం చేసుకోవడమే కాకుండా ఆయన చేతి రాతతో ఉన్న కొన్ని పత్రాలను తీసుకెళ్లారు.