Joe Biden: ట్రంప్‌ మగ్‌షాట్‌ ఫొటో.. అందంగా ఉన్నారంటూ బైడెన్‌ సెటైర్

వాషింగ్టన్‌: అమెరికా చరిత్రలోనే మగ్‌షాట్‌ (Mug Shot) తీయించుకొన్న తొలి మాజీ అధ్యక్షుడిగా డొనాల్డ్‌ ట్రంప్‌  (Donald Trump) నిలిచారు. దీంతో అధ్యక్షుడు జో బైడెన్‌ (Joe Biden) ట్రంప్‌ మగ్‌షాట్‌ ఫొటోపై సెటైర్‌ వేశారు. తాహోలోని వ్యాయామ క్లాస్‌ నుంచి బయటకు వచ్చే సమయంలో ఆయన విలేకరులతో మాట్లాడారు.

‘‘ట్రంప్‌ నిజంగా అందమైన, అద్భుతమైన వ్యక్తి’’ అని బైడెన్‌ సెటైర్‌ వేశారు. అయితే, ట్రంప్‌ జార్జియాలోని ఫుల్టన్‌ కౌంటీ జైల్లో ఉన్న సమయంలో బైడెన్‌ నిధుల సేకరణకు సంబంధించి ఈమెయిల్స్‌ను తన మద్దతుదారులకు పంపించారు. మనం ప్రచారాన్ని మొదలుపెట్టేందుకు ఇంతకంటే మంచి రోజు ఇంకోటి లేదు అంటూ బైడెన్‌ ఈ సందర్భంగా వ్యాఖ్యానించారు.

తొలి చర్చతో మార్మోగిన వివేక్‌ పేరు

2020 అధ్యక్ష ఎన్నికలను తారుమారు చేసేందుకు ప్రయత్నించారని ఆరోపణలు ఎదుర్కొంటున్న ట్రంపు జార్జియాలోని ఫుల్టన్‌ కౌంటీ జైలుకు వెళ్లి లొంగిపోయిన విషయం తెలిసిందే. పోలీసు రికార్డుల కోసం ఆయన ఫొటో (మగ్‌షాట్‌) తీశారు. దీంతో మగ్‌షాట్‌ తీయించుకున్న తొలి మాజీ అధ్యక్షుడిగా ఆయన చరిత్ర సృష్టించారు. ఆయనకు ఖైదీ నంబర్‌  P01135809 కేటాయించారు. అరెస్టు అయిన 20 నిమిషాల అనంతరం 2 లక్షల డాలర్ల పూచీకత్తుపై  ఆయన విడుదలయ్యారు.