Modi: నేలపై మువ్వన్నెల కాగితం.. మోదీ ఏం చేశారంటే..?

జొహన్నెస్‌బర్గ్‌: ప్రధాని నరేంద్రమోదీ(Modi) ప్రస్తుతం దక్షిణాఫ్రికా(South Africa)లో పర్యటిస్తున్నారు. 15వ బ్రిక్స్ సదస్సు కోసం ఆ దేశ రాజధాని జొహన్నెస్‌బర్గ్‌ ఉన్నారు. ఈ క్రమంలో బుధవారం బ్రిక్స్‌(BRICS) దేశాల అధినేతలు గ్రూప్ ఫొటో దిగేందుకు వేదికపైకి వచ్చారు. ఆ సమయంలో ప్రధాని మోదీ వ్యవహరించిన తీరుపై ప్రశంసలు కురుస్తున్నాయి. 

గ్రూప్‌ ఫొటో దిగేందుకు వచ్చిన మోదీకి.. అక్కడ మన జాతీయ పతాక రంగులతో ఉన్న ఓ కాగితం కనిపించింది. తాము నిలబడే దగ్గర ఆ కాగితం ఉండటంతో ప్రధాని వెంటనే స్పందించారు. దానిని అక్కడి నుంచి తీసి, తన జేబులో వేసుకున్నారు. వెంటే ఉన్న దక్షిణాఫ్రికా అధ్యక్షుడు సిరిల్‌ రామఫోసా కూడా మోదీ మార్గాన్నే అనుసరించారు. అక్కడున్న కాగితాన్ని తీసి.. తన సహాయకులకు అందించారు. ప్లీనరీ సమావేశానికి ముందు ఈ సంఘటన జరిగింది.