ఫొటోగ్రఫీ.. అది నా ఊపిరిలోనే ఉంది! - this hyderabad based photographer shares her experience in candid photography
close
Updated : 19/08/2021 17:48 IST

ఫొటోగ్రఫీ.. అది నా ఊపిరిలోనే ఉంది!

సాధారణంగా ఏదైనా అకేషన్‌ ఉన్నా, లేకపోయినా మనందరికీ ఫొటోలు దిగడమంటే ఇష్టముంటుంది. కానీ తనకు మాత్రం ఫొటోలు తీయడం; అందమైన లొకేషన్లను, పచ్చటి ప్రకృతిని కెమెరాలో బంధించడమంటేనే ఇష్టమంటోంది హైదరాబాద్‌కు చెందిన యువ ఫొటోగ్రాఫర్‌ శృతి మూర్తి. చిన్నతనం నుంచి ఫొటోగ్రఫీనే తన ప్రాణంగా భావించిన ఆమె.. అందులోనే తన కెరీర్‌ను వెతుక్కుంది. పెళ్లి, ప్రెగ్నెన్సీ, బేబీ షూట్స్‌, బర్త్‌డే షూట్స్‌.. ఇలా సందర్భం ఏదైనా అందమైన క్షణాలను మరపురాని జ్ఞాపకాలుగా మలిచి అందరి ఆదరణ చూరగొంటోంది. కుటుంబ ప్రోత్సాహం ఉంటే అమ్మాయిలు అరుదైన రంగాల్లోనూ రాణించగలరంటోన్న ఆమె తన ఫొటోగ్రఫీ జర్నీ గురించి ‘వసుంధర’తో ప్రత్యేకంగా పంచుకుంది.

నేను పుట్టిపెరిగిందంతా దిల్లీలోనే! అక్కడే ఎలక్ట్రికల్‌ ఇంజినీరింగ్‌ పూర్తిచేశాను. నాన్న శ్రీరామమూర్తి. దిల్లీ ఆంధ్రభవన్‌లో పనిచేసేవారు. అమ్మ రమామణి. తను మంచి ఆర్టిస్ట్‌. అయితే కొన్ని కారణాల వల్ల అప్పుడు తను తన అభిరుచిని నెరవేర్చుకోలేకపోయింది. అందుకే నేను ఫొటోగ్రఫీని కెరీర్‌గా ఎంచుకుంటానన్నప్పుడు నాకు బాగా సపోర్ట్‌ చేసింది. ఈమధ్యే నేను హైదరాబాద్‌ వచ్చి ఇక్కడే సెటిలయ్యాను.

నా ఇష్టానికి నాన్న ప్రోత్సాహం తోడైంది!

నాకు చిన్నతనం నుంచీ ఫొటోగ్రఫీ అంటే మక్కువ. ఫొటోలు దిగడం కంటే.. నేను తీసిన ఫొటోలు చూసి ఇతరులు మురిసిపోతుంటే ఆనందించేదాన్ని. అలా నా వయసుతో పాటే ఫొటోగ్రఫీపై ప్రేమా పెరుగుతూ వచ్చింది. చదువు పూర్తయ్యాక సివిల్స్‌కి ప్రిపేరయ్యా. అది వర్కవుట్‌ కాకపోవడంతో ఉద్యోగ ప్రయత్నాలు మొదలుపెట్టా. అయినా మనసులో ఏదో వెలితి.. ఫొటోగ్రఫీపైనే నా ధ్యాసంతా! ఇదే విషయం ఇంట్లో చెప్పాలంటే భయం! కానీ చెప్పకుండా బాధపడడం కంటే చెప్పి ఏదో ఒకటి తేల్చుకోవడం మంచిదనిపించింది. ఏదైతే అదవుతుందని నా మనసులోని మాటను అమ్మానాన్నలతో పంచుకున్నా. కానీ వాళ్లు నా నిర్ణయాన్ని స్వాగతిస్తారని నేను అసలు ఊహించలేదు. ముఖ్యంగా ఈ క్రమంలో నాన్న నన్ను బాగా ప్రోత్సహించారు.

ఇక మా అన్నయ్య డిఫెన్స్‌లో ఫొటో టెక్నీషియన్‌. తన దగ్గర DSLR కెమెరా ఉండేది. చిన్నప్పట్నుంచి తనని చూసే ఫొటోలు తీయడం, ఫొటోగ్రఫీలో కొన్ని మెలకువలు నేర్చుకోవడం.. నాకు అలవాటైంది. ఇలా నా ఫొటోగ్రఫీ జర్నీలో అన్న సహకారం కూడా ఉంది.

వాళ్ల మాటలు పట్టించుకోలేదు!

నేను ఫొటోగ్రఫీని కెరీర్‌గా ఎంచుకోవాలనుకున్నప్పుడు నా కుటుంబం నన్ను పూర్తిగా సపోర్ట్‌ చేసింది. పెళ్లయ్యాక అత్తింటి వారూ ప్రోత్సహించారు. అయితే కొంతమంది మాత్రం.. ‘ఉద్యోగం చేస్తూనే దీన్నో హాబీలాగా మార్చుకోవచ్చు కదా!’ అన్నారు. అయినా నా నిర్ణయాన్ని నా పేరెంట్స్‌ గౌరవించారు.. అది చాలనిపించింది. 2016లో నాన్న ఫ్రెండ్‌, డైరెక్టర్‌ మణిశంకర్‌ సర్‌.. నేను గతంలో తీసిన కొన్ని ఫొటోలు చూసి ఆయన దగ్గర పనిచేసే అవకాశమిచ్చారు. నాతో AP Tourism ప్రాజెక్ట్‌ చేయించారు. నిజానికి ఆయన దగ్గర చేరే సమయానికి ఫొటోగ్రఫీ గురించి నాకున్న పరిజ్ఞానం అంతంతమాత్రమే! ఈ క్రమంలో యాడ్‌ ఫిల్మ్స్‌, ప్రొజెక్షన్‌ మ్యాపింగ్‌, హోలోగ్రామ్‌, పాట షూట్స్‌, ఆడియో షూట్స్‌.. వంటి చాలా అంశాల్లో నైపుణ్యం వచ్చింది. అసిస్ట్‌ చేయడం దగ్గర్నుంచి షూటింగ్‌కి లైటింగ్‌, ఆడియో సెటప్‌ చేయడం నేర్చుకున్నా. ఈ సమయంలోనే కాజల్‌, రానా.. వంటి సెలబ్రిటీల సినిమా ప్రమోషన్ షూట్స్‌, జాతీయ-అంతర్జాతీయ ఎలక్షన్‌ క్యాంపెయిన్స్‌ని టీమ్‌తో పాటు కలిసి షూట్‌ చేశాం.

నా క్రియేటివిటీకి ప్రతిరూపమది!

ఇలా ఈ రెండేళ్ల కాలంలో ఫొటోగ్రఫీలో చాలా విషయాలు నేర్చుకున్నా. అయితే ఆ తర్వాత నాలో ఉన్న క్రియేటివిటీతో ఏదైనా కొత్తగా చేయాలనిపించింది. అందుకే ఆ ఉద్యోగానికి రాజీనామా చేసి 2018లో ‘Candids By Her’ పేరుతో ఫొటోగ్రఫీ బిజినెస్‌ ప్రారంభించా. ఈ క్రమంలో ఇన్‌స్టాగ్రామ్‌, ఫేస్‌బుక్‌ పేజీల్ని క్రియేట్‌ చేసి అందులో నేను తీసిన ఫొటోల్ని పోస్ట్‌ చేయడం మొదలుపెట్టా. మొదట్లో చాలా తక్కువ ఆఫర్స్‌ వచ్చేవి.. తక్కువ బడ్జెట్‌కు పనిచేసిన రోజులూ ఉన్నాయి. అయినా అవేవీ పట్టించుకోకుండా ఇందులో నిలదొక్కుకోవడం, ఎక్కువ మందిని ఆకర్షించడం, నాలో ఆత్మవిశ్వాసాన్ని పెంచుకోవడం పైనే పూర్తి దృష్టి పెట్టా. కొన్నాళ్లకు అది వర్కవుట్‌ అయింది. ప్రస్తుతం ప్రి-వెడ్డింగ్స్‌, వెడ్డింగ్స్‌, పోస్ట్‌-వెడ్డింగ్స్‌, ఫ్యామిలీ షూట్స్‌, ప్రెగ్నెన్సీ షూట్స్‌, న్యూ బోర్న్‌ బేబీస్‌, బేబీ షూట్స్‌, బర్త్‌ డే షూట్స్‌, కేక్‌ స్మాష్‌ షూట్స్‌, పోర్ట్‌ఫోలియో, ప్రొడక్ట్‌ షూట్స్‌, రియల్‌ ఎస్టేట్‌-ఫుడ్‌ షూట్స్‌.. వంటివి చేస్తున్నా.

ఆ పెళ్లిళ్లలో మాకే డిమాండ్!

ముఖ్యంగా తెలంగాణ వ్యాప్తంగా, అదీ హైదరాబాద్‌లో జరిగే ముస్లిం పెళ్లిళ్లలో మహిళా ఫొటోగ్రాఫర్లకే ఎక్కువ డిమాండ్‌ ఉంది. ఎందుకంటే.. వారి సంప్రదాయం ప్రకారం పెళ్లిళ్లలో బ్రైడల్‌ షూట్స్‌ కోసం మహిళా ఫొటోగ్రాఫర్లైతేనే వాళ్లు సౌకర్యవంతంగా ఫీలవుతుంటారు. అందుకే తెలంగాణ వ్యాప్తంగా జరిగే ముస్లిం పెళ్లిళ్లలో షూట్స్‌ కోసం ఎక్కువగా నన్ను పిలుస్తుంటారు. ఇక ఫొటోషూట్స్‌ కోసం నేను ఎక్కువగా పచ్చటి ప్రకృతికే ప్రాధాన్యమిస్తా. నేచర్‌తో మమేకమై దిగిన ఫొటోలు అంతే సహజసిద్ధంగా వస్తాయనేది నా నమ్మకం. ఒకవేళ క్లైంట్స్‌ ఫలానా లొకేషన్‌ని ఎంచుకున్నామంటే.. అక్కడికెళ్లి ఫొటోషూట్‌ చేయడానికీ వెనకాడను. ఏదేమైనా షూట్‌ చేయించుకునే వాళ్ల సౌకర్యానికే ఎక్కువ ప్రాధాన్యమిస్తుంటా.

అదే నా ఫొటోగ్రఫీ సీక్రెట్!

నా ఫొటోగ్రఫీకి మరో ప్రత్యేకత ఉంది. అదేంటంటే.. క్లైంట్స్‌తో ఓ ఫొటోగ్రాఫర్‌గా కాకుండా ఓ బెస్ట్‌ ఫ్రెండ్‌లా కలిసిపోవడానికి ప్రాధాన్యమిస్తా. వాళ్లకు అలాంటి కంఫర్ట్ ఇచ్చినప్పుడే ఫొటోలు కూడా అంతే న్యాచురల్‌గా వస్తాయనేది నా నమ్మకం. ఇలా చేయండి, అక్కడ చూడండి.. అంటూ ఆర్టిఫిషియల్‌ పోజులు చెప్పకుండా.. వాళ్లు మనస్ఫూర్తిగా ఫీలై.. సహజసిద్ధంగా నవ్వడం, మాట్లాడుకోవడం.. వంటివి చేసినప్పుడే కెమెరాను క్లిక్‌మనిపిస్తా. ఇలా తీసిన ఫొటోల్లోనే సహజత్వం ఉట్టిపడుతుంది. వాళ్ల మనసులోని భావాలు ఫొటోలో ప్రదర్శితమవుతాయి. నా ఫొటోగ్రఫీకి ‘CANDID’ అనే పేరు పెట్టడానికి ఈ ఆలోచనే కారణం!

కొత్తగా ఈ రంగంలోకి రావాలనుకునే అమ్మాయిలకూ ఇదే విషయం చెప్తా. సీనియర్‌ ఫొటోగ్రాఫర్స్‌తో మాట్లాడడం, మొహమాటాన్ని పక్కన పెట్టి మీ మనసులోని ఆలోచనల్ని వారితో పంచుకోవడం, వాళ్లిచ్చే సలహాల్ని పాటించడం.. ఇవన్నీ పాటిస్తే ఆడ/మగ అన్న తేడా లేకుండా కచ్చితంగా ఈ రంగంలో రాణించచ్చు. ఈ రంగంలోకి కొత్తగా వచ్చినప్పుడు నేను గ్రహించిన విషయమిదే!

భవిష్యత్తులో అసిస్టెంట్‌ డైరెక్టర్‌ కావాలన్న ఆలోచన ఉంది. అలాగని ఫొటోగ్రఫీని వదులుకోను.. ఎందుకంటే అదే నా ఊపిరి!



B-_p-naAwzQ


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని