Mon, February 08, 2016

Type in English and Give Space to Convert to Telugu

'పట్టణాభిషేకం''వాస్తవాల ప్రతిబింబంగా బడ్జెట్‌''నీటిపై నిప్పుల వాన''సీఎం మొండి అయితే.. నేను జగమొండి''తీరప్రాంత దేశాల మధ్య సహకారం పెరగాలి''ఉత్తర కొరియా రాకెట్‌ ప్రయోగం''చిరుతకు చిక్కి .. ప్రాణాలతో బయటపడి''మౌఖికంలో మార్కులు ఖాయం''ఎయిమ్స్‌కు 220 ఎకరాలు కేటాయింపు''‘అంకుర’ భయాలొద్దు'
ఆగిన విద్యుదుత్పత్తి
ఆదివారం అర్ధరాత్రి నుంచి నిలిపివేత
శ్రీశైలంలో వినియోగించిన నీటిపై ఏపీ గణాంకాలతో విబేధించిన తెలంగాణ
కృష్ణా బోర్డు ఆదేశాలు అందిన అక్టోబరు 31 సాయంత్రం నుంచే పరిగణనలోకి తీసుకోవాలి..
దీని ప్రకారం వినియోగించింది 2.67 టీఎంసీలేనని వెల్లడి
5.8 టీఎంసీలు వాడారంటున్న ఆంధ్రప్రదేశ్‌
ఈనాడు - హైదరాబాద్‌
ఆంధ్రప్రదేశ్‌, తెలంగాణ రాష్ట్రాల మధ్య తీవ్ర వివాదానికి కారణమైన శ్రీశైలంలో జల విద్యుదుత్పత్తి ఆదివారం అర్ధరాత్రి నుంచి ఆగిపోయింది. విద్యుదుత్పత్తికి నవంబరు రెండో తేదీ వరకు మూడు టీఎంసీల నీటిని వినియోగించుకోవాలన్న కృష్ణా నదీ యాజమాన్య బోర్డు ఆదేశాన్ని తీవ్రంగా వ్యతిరేకించిన తెలంగాణ ప్రభుత్వం.. బోర్డు ఇచ్చిన గడువు ప్రకారం విద్యుదుత్పత్తిని నిలిపివేసింది. తెలంగాణ ఎస్‌.ఎల్‌.డి.సి సూచన మేరకే విద్యుదుత్పత్తిని నిలిపివేశామని, మళ్లీ విద్యుత్తు అవసరమని ఎస్‌.ఎల్‌.డి.సి సూచిస్తే చేస్తామని సంబంధిత వర్గాలు తెలిపాయి. అయితే, నీటి వినియోగం విషయంలో మాత్రం ఆంధ్రప్రదేశ్‌ లెక్కలతో తెలంగాణ విబేధించింది. ఆదివారం సాయంత్రం ఆరు గంటల వరకు 5.329 టీఎంసీల నీటిని తెలంగాణ వినియోగించిందని, అర్ధరాత్రి విద్యుదుత్పత్తి నిలిపే సమయానికి 5.8 టీఎంసీలను వినియోగించుకొందని ఆంధ్రప్రదేశ్‌ పేర్కొంది. ఈ వాదనను తెలంగాణ తోసిపుచ్చింది. 2.67 టీఎంసీల నీటిని మాత్రమే వినియోగించుకొన్నట్లు స్పష్టం చేసింది. బోర్డు చెప్పిన ప్రకారమే తాము వినియోగించుకోవాల్సిన నీరు ఇంకా ఉందని, అవసరమైనప్పుడు మళ్లీ విద్యుదుత్పత్తిని ప్రారంభిస్తామని సంబంధిత వర్గాలు తెలిపాయి. శ్రీశైలం నీటి నిర్వహణపై ఆంధ్రప్రదేశ్‌, తెలంగాణల మధ్య వివాదం నెలకొన్న నేపథ్యంలో అక్టోబరు 29, 30న రెండు దఫాలుగా సమావేశమైన కృష్ణానదీ యాజమాన్య బోర్డు తెలంగాణ విద్యుదుత్పత్తికి నవంబరు రెండు వరకు మూడు టీఎంసీల నీటిని వినియోగించుకోవాలని ఆదేశం జారీ చేసిన విషయం తెలిసిందే. ఈ ఆదేశాన్ని తెలంగాణ ప్రభుత్వం తీవ్రంగా వ్యతిరేకిస్తూ బోర్డుది ఏకపక్ష నిర్ణయమని వర్ణించింది. బోర్డు ఆదేశాన్ని అపెక్స్‌ కౌన్సిల్‌గా ఉన్న కేంద్ర జలవనరుల మంత్రి దృష్టికి తీసుకెళ్లడం, బోర్డుకు లేఖ రాయడంతో పాటు కోర్టును ఆశ్రయించడం వంటి పలు ప్రత్యామ్నాయాల గురించి శనివారం తెలంగాణ ముఖ్యమంత్రి వద్ద జరిగిన సమావేశంలో అధికారులు చర్చించారు. ఒకవైపు బోర్డు నిర్ణయం పట్ల నిరసన వ్యక్తం చేస్తూనే ఇంకోవైపు బోర్డు ఆదేశాలను అమలు చేయడంపైనా చర్చ జరిగినట్లు తెలిసింది. బోర్డు నిర్ణయాన్ని అమలు చేస్తారా లేదా అన్న దానిపై నీటిపారుదల శాఖ ఉన్నత స్థాయి వర్గాలు, ప్రభుత్వంలోని ముఖ్యులూ అప్పుడు మాట్లాడటానికి నిరాకరించారు. అయితే, ఆదివారం అర్ధరాత్రి విద్యుదుత్పత్తిని నిలిపివేశారు. బోర్డు సూచించినట్లు రెండో తేదీ వరకే విద్యుదుత్పత్తి చేశామని, తెలంగాణ ప్రభుత్వం న్యాయంగా తమకు రావలసిన దాని కోసం పోరాడుతూనే నిబంధనలను పాటిస్తుందని సంబంధిత వర్గాలు పేర్కొన్నాయి. ‘‘పునర్విభజన చట్టం ప్రకారం ఆంధ్రప్రదేశ్‌ విద్యుత్తును ఇవ్వలేదు. మాకు ఇబ్బంది ఉన్నా బోర్డు ఆదేశాల ప్రకారం నిలిపివేసి, జరిగిన అన్యాయాన్ని కేంద్రం దృష్టికి తీసుకెళ్లాం. న్యాయం జరగకపోతే రైతుల పంటలను కాపాడటానికి మా నిర్ణయాలు మేము తీసుకొంటామ’’ని తెలిపాయి.

ఇదే సమయంలో శ్రీశైలం నుంచి విద్యుదుత్పత్తి వివరాలను ఎప్పటికప్పుడు ఆంధ్రప్రదేశ్‌ ప్రభుత్వం ..కృష్ణా నదీ యాజమాన్య బోర్డు దృష్టికి తెచ్చింది. రెండో తేదీ సాయంత్రం ఆరుగంటల వరకు 5.329 టిఎంసీలను వినియోగించిందని, విద్యుదుత్పత్తి నిలిపివేసే సమయానికి 5.8 టిఎంసీలను వినియోగించుకొన్నట్లు బోర్డుకు తెలిపింది. అయితే, తెలంగాణ నీటిపారుదల శాఖ అధికారులు దీంతో విబేధించారు. అక్టోబరు 31వ తేదీ 27,021 క్యూసెక్కుల నీటిని వినియోగించి 11.54 మిలియన్‌ యూనిట్లు, నవంబరు ఒకటో తేదీ 10,529 క్యూసెక్కులను వినియోగించి 4.71 మిలియన్‌ యూనిట్లు, రెండో తేదీ 13,120 క్యూసెక్కులను వినియోగించి 5.890 మిలియన్‌ యూనిట్లు ఉత్పత్తి చేశామని పేర్కొంది. మొత్తం 50,859 క్యూసెక్కుల నీటిని వినియోగించి 22.156 మిలియన్‌ యూనిట్లు ఉత్పత్తి చేశామని వెల్లండించారు. బోర్డు ఆదేశాలు అందింది అక్టోబరు 31వ తేదీ సాయంత్రం ఆరు గంటలకని, అప్పటి నుంచి నవంబరు రెండో తేదీ అర్ధరాత్రి వరకు పరిగణనలోకి తీసుకోవాలని, దీని ప్రకారం 2.67 టీఎంసీలను వినియోగించుకొని 13.801 మిలియన్‌ యూనిట్ల విద్యుదుత్పత్తిని చేసినట్లు వివరించారు. ఇంకా నీటిని వినియోగించుకోవడానికి అవకాశం ఉందని, అవసరమొచ్చినపుడు వినియోగించుకొంటామని పేర్కొన్నారు. కృష్ణా నదీ యాజమాన్య బోర్డు కూడా శ్రీశైలం నీటి వినియోగానికి సంబంధించిన వివరాలను తెప్పించుకొని పరిశీలిస్తున్నట్లు తెలిసింది.

సాగర్‌కు నిలిచిన నీటిరాక
నాగార్జునసాగర్‌, న్యూస్‌టుడే: నాగార్జునసాగర్‌కు శ్రీశైలం నుంచి వస్తున్న వరద నీరు పూర్తిగా నిలిచిపోయింది. శ్రీశైలంలోని విద్యుత్కేంద్రం ద్వారా విద్యుత్తుఉత్పత్తి నిలిపివేయడంతో సాగర్‌ జలాశయానికి ఆదివారం రాత్రి నుంచి నీటిరాక ఆగిపోయింది. సోమవారం ఉదయం సాగర్‌ నుంచి కుడికాల్వ ద్వారా 6,750 క్యూసెక్కులు, ఎడమ కాల్వద్వారా 11వేల క్యూ సెక్కులు, ప్రధాన విదుత్కేంద్రం ద్వారా 3,551 క్యూసెక్కులు, ఎస్‌ఎల్బీసీ ద్వారా 1800, వరద కాల్వ ద్వారా 400 క్యూసెక్కుల నీటిని విడుదల చేస్తుండగా సాగర్‌ నీటిమట్టం 583.40 అడుగుల వద్ద ఉంది.

మాధవన్‌ పళ్లురాలగొట్టాను..!

సినిమా కోసం ఉత్తుత్తినే కాదు.. నిజంగానే అంతపని చేసిందట రితిక. గత వారం విడుదలై సంచలన విజయం సాధించిన ‘సాలా ఖడూస్‌’ చిత్రం కథానాయిక. అప్పుడెప్పుడో పరుగుల రాణీ...

‘శ్రీశ్రీ’ డబ్బింగ్‌ పూర్తి

అలనాటి తెలుగు సూపర్‌స్టార్‌ కృష్ణ, ఆయన భార్య విజయ నిర్మల కీలక పాత్రధారులుగా తెరకెక్కిన ‘శ్రీశ్రీ’ చిత్రం దాదాపు పూర్తయ్యింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net