ఘోస్ట్‌ డ్రైవర్ల ‘రియల్‌’ మోసం
close

తాజావార్తలు

ఘోస్ట్‌ డ్రైవర్ల ‘రియల్‌’ మోసం
ఎవరైనా సోషల్‌మీడియా ఖాతాల్లో అందరూ ఆహా.. అనేలా ఆకట్టుకునే ఫొటోలను ప్రొఫైల్‌ పిక్‌గా పెడుతుంటారు. రకరకాల పోజులిస్తూ సెల్ఫీలు దిగి ప్రొఫైల్‌ పిక్‌గా పెట్టుకుంటారు. లేదంటే.. ప్రముఖుల ఫొటోనో.. అభిమాన హీరో హీరోయిన్ల ఫొటోలనో ఎంచుకుంటారు. కానీ.. చైనాలో ఉబర్‌ క్యాబ్‌ డ్రైవర్లు మాత్రం అందుకు పూర్తి భిన్నం. ఆకట్టుకునేవికాదు కదా.. భయంకరమైన దెయ్యాలు, భూతాల ఫొటోలను ప్రొఫైల్‌ పిక్‌గా పెట్టుకుంటున్నారు. నిజంగానే వాళ్ల ఉద్దేశం కూడా కస్టమర్లను భయపెట్టడమే. అదేంటీ..? కస్టమర్లకు దగ్గరయ్యేందుకు ఆకట్టుకునే ఆలోచనలు చేస్తారు కానీ.. వాళ్లనే భయపెట్టడమేంటీ? అనుకుంటున్నారు కదా.. నిజమే.. అక్కడి డ్రైవర్ల చేస్తున్న మాయాజాలం అది. వినియోగదారుల నుంచి ఉత్తిపుణ్యానికి డబ్బులు గుంజేయాలన్న దురాలోచనతో అలా చేస్తున్నారు. అదెలాగంటే..

ఉబర్‌ యాప్‌ ద్వారా క్యాబ్‌ను బుక్‌ చేసుకుని కొద్ది సేపటికే ఆ బుకింగ్‌ను రద్దు చేశారనుకోండి.. బుకింగ్‌ క్యాన్సిలేషన్‌ ఫీ కింద కొంత రుసుమును ఆ కారు డ్రైవర్‌కు చెల్లించాల్సి ఉంటుంది. చైనాలో అయితే.. ఆ ఫీజు 4.20యాన్లు(రూ.42) ఉంది. ఆ డబ్బు అటోమేటిక్‌గానే వినియోగదారుడి ఖాతా నుంచో.. లేకుంటే ఆన్‌లైన్‌ చెల్లింపుల వాలెట్‌ నుంచో వెళ్లిపోతుంది. ఇప్పుడు అలా కస్టమర్లు తమ కార్లను బుక్‌ చేసుకున్నాక.. తిరిగి వెంటనే రద్దు చేసుకునేలా భయపెట్టేందుకే అక్కడి క్యాబ్‌ డ్రైవర్లు ఓ దురాలోచన చేశారట. బుక్‌ చేసుకున్న కారు డ్రైవర్‌కు సంబంధించిన ఫొటోతోపాటు.. అతనికి గతంలో వినియోగదారులు ఇచ్చిన రివ్యూ రేటింగ్‌లు కూడా ఉబర్‌ యాప్‌లో చూడొచ్చు.

అందుకే కస్టమర్లు తమ ప్రొఫైల్‌ ఫొటో చూడగానే భయపడిపోయి బుకింగ్‌లను రద్దు చేసుకుంటారని.. దాంతో ఎలాంటి శ్రమ లేకుండా వారి నుంచి క్యాన్సిలేషన్‌ ఫీ గుంజేయొచ్చని పలువురు డ్రైవర్లు ఆలోచన చేశారట. ఆ ఆలోచనతోనే కొందరు డ్రైవర్లు భయంకరమైన ఫొటోలను తమ ప్రొఫైల్‌ పిక్‌గా పెట్టుకున్నారట. అందుకే వారికి ‘ఘోస్ట్‌ డ్రైవర్స్‌’ అని పేరు కూడా పెట్టేశారు చైనీయులు.

ఈ వ్యవహారంపై వినియోగదారుల నుంచి ఫిర్యాదులు వెల్లువెత్తడంతో ఉబర్‌ సంస్థ అప్రమత్తమైంది. అలాంటి చర్యలకు పాల్పడిన డ్రైవర్లపై చర్యలు తీసుకునేందుకు సిద్ధమైంది. ‘ఘోస్ట్‌ డ్రైవర్ల’ కారణంగా మోసపోయిన బాధితులు ఫిర్యాదు చేస్తే ఆ డబ్బును తిరిగి చెల్లిస్తామని చైనాలోని ఉబర్‌ అధికారి తెలిపారు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.