రివ్యూ: బాఘీ

తాజావార్తలు

రివ్యూ: బాఘీ
చిత్రం పేరు: బాఘీ(హిందీ)
నటీనటులు: టైగర్‌ష్రాఫ్‌.. శ్రద్ధ కపూర్‌.. సుధీర్‌బాబు.. తదితరులు
కథ: సంజీవ్‌ దత్తా
సంగీతం: మీట్‌ బ్రోస్‌.. అమాల్‌ మాలిక్‌.. అంకిత్‌ తివారీ.. మంజ్‌ ముసిక్‌
సినిమాటోగ్రఫీ: బినోద్‌ ప్రధాన్‌
నేపథ్య సంగీతం: జులియస్‌ పాకిమ్‌
ఎడిటర్‌: మనన్‌ సాగర్‌
నిర్మాత: సాజిద్‌ నడియడ్‌వాలా
దర్శకుడు: సబ్బీర్‌ఖాన్‌
విడుదల తేదీ: 29 ఏప్రిల్‌ 2016

కథలో కొత్తదనం లేకపోయినా కథనంలో కొత్తగా చూపించి భావోద్వేగాలను పండించగలిగితే చాలు ప్రేక్షకులు బ్రహ్మరథం పడతారు. బాక్సాఫీస్‌ వసూళ్లతో హోరెత్తిస్తుంటారు. అందుకే ‘హీరోపంతి’ చిత్రంతో బాలీవుడ్‌లో అడుగుపెట్టిన టైగర్‌ష్రాఫ్‌ రెండేళ్ల గ్యాప్‌తో ‘బాఘీ’తో యాక్షన్‌ బాట పట్టాడు. అంతేకాదు.. ఈ చిత్రం కోసం ప్రత్యేకంగా మార్షల్‌ ఆర్ట్స్‌లో తర్ఫీదు పొందిన టైగర్‌ తొలిసారి తన స్నేహితురాలు శ్రద్ధతో రొమాన్స్‌ చేశాడు. టైగర్‌.. శ్రద్ధల కెమిస్ట్రీతో పాటే సుధీర్‌ యాక్షన్‌ సీన్స్‌తో ప్రచారంలో హోరెత్తించిన చిత్రబృందం సినిమాపై హైప్‌ని బాగానే క్రియేట్‌ చేసింది. ఇంతగా ప్రేక్షకుల్లో ఆసక్తిని రేకెత్తిస్తున్న ‘బాఘీ’ బాగోగులు పరిశీలిస్తే..

కథేంటి: సున్నితమైన ప్రేమకథకు యాక్షన్‌ పార్ట్‌ అద్దితే ఎలా ఉంటుందో అదే ‘బాఘీ’ చిత్రం. పరిస్థితి ఎలాంటిదైనా ఎదిరించే తత్వం ఉన్న రోనీ(టైగర్‌ష్రాఫ్‌) తీరు మార్చాలని అతని తండ్రి తెగ ప్రయత్నిస్తుంటాడు. ఈ క్రమంలో రోనీని కేరళలోని తన స్నేహితుడి దగ్గర మార్షల్‌ ఆర్ట్స్‌ శిక్షణ కోసం పంపిస్తాడు. తండ్రి మాట ప్రకారం కేరళ వెళ్లిన రోనీ.. ఓ రోజు సియా(శ్రద్ధా కపూర్‌)ని చూసి తొలి చూపులోనే మనసిస్తాడు. వారిద్దరి మధ్య ప్రేమ చిగురిస్తున్న సమయంలో రాఘవ్‌ (సుధీర్‌ బాబు) ఆమెను ఎత్తుకెళ్లిపోతాడు. రాఘవ్‌ ఉన్నపళంగా ఆమెను ఎందుకెత్తుకొచ్చేశాడు? ప్రియురాలి ప్రేమను దక్కించుకోవడానికి రోనీ ఎన్ని కష్టాలు పడ్డాడు? దానికోసం ఏం చేశాడన్నది తెలియాలంటే సినిమా చూడాల్సిందే.

ఎలా ఉందంటే: ‘బాఘీ’ రొటీన్‌కి భిన్నమైన కథ కాకపోయినా.. సున్నితమైన ప్రేమకథకు యాక్షన్‌ సన్నివేశాలను మేళవించి దర్శకుడు తనదైన శైలిలో తెరకెక్కించాడు. తొలి నుంచి లవ్‌ యాక్షన్‌ ఎంటర్‌టైనర్‌ అని చెప్పుకొస్తున్న చిత్రబృందం లవ్‌ కన్నా యాక్షన్‌ మీదే దృష్టి పెట్టారని అనిపిస్తుంది. ఈ చిత్రానికి సంగీతం అదనపు ఆకర్షణ అని చెప్పుకోవచ్చు. శ్రద్ధ-టైగర్‌ల కెమిస్ట్రీ రొమాంటిక్‌ సన్నివేశాలను పండించటంలో ఉపయోగపడింది. యాక్షన్‌ సన్నివేశాల్లో కెమెరామెన్‌ పనితీరు బాగుంది. విలన్‌ పాత్రను మరింత బాగా తెరకెక్కిస్తే బాగుండేదనిపిస్తుంది.

ఎవరెలా: యాక్షన్‌ సన్నివేశాల్లో తనదైన మార్షల్‌ ఆర్ట్‌ నైపుణ్యాన్ని చూపించిన టైగర్‌ భావోద్వేగాలను పండించేందుకు బాగా కష్టపడ్డాడనిపిస్తుంది. శ్రద్ధకు ఈ సినిమాలో నటనకు పెద్దగా స్కోప్‌లేదు. పాటల్లో యాక్షన్‌ సన్నివేశాల్లోనూ శ్రద్ధ ఓకే అనిపించుకుంది. సుధీర్‌బాబుకు నటుడిగా మంచి మార్కులే పడతాయి.

చివరగా.. యాక్షన్‌ ప్రేమికులకే ‘బాఘీ’

గమనిక: ఈ సమీక్ష సమీక్షకుడి దృష్టికోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే.

FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.