పాలకొల్లు, న్యూస్‌టుడే: ఎన్నికల్లో ప్రత్యర్థులుగా ఒకరినొకరు పరిహసించుకున్నా.. ఏదో ఒక సందర్భంలో ఎదురుపడితే మాత్రం ఆప్యాయంగా పలకరించుకుంటూ ఆత్మీయతను పంచుకుంటున్నారు కొందరు అభ్యర్థులు. ఇలాంటి ఘటనే పాలకొల్లులో చోటుచేసుకుంది. పశ్చిమగోదావరి జిల్లా నరసాపురం లోక్‌సభ స్థానం ఎన్డీయే అభ్యర్థి భూపతిరాజు శ్రీనివాసవర్మ, వైకాపా ఎంపీ అభ్యర్థి గూడూరి ఉమాబాల పాలకొల్లులో జరిగిన ఒక కార్యక్రమంలో ఆదివారం ఎదురు పడ్డారు. సోదరభావంతో ఒకరినొకరు ఆత్మీయంగా పలకరించుకుంటుండగా ‘న్యూస్‌టుడే’ తీసిన చిత్రమిది. ఇదే సమయంలో అక్కడికి వచ్చిన పాలకొల్లు ఎమ్మెల్యే నిమ్మల రామానాయుడు కూడా ఉమాబాలతో కరచాలనం చేశారు.