ఈ ‘చిరు’ విరామంలో ఎవరెన్ని సినిమాలు

తాజావార్తలు


ఈ ‘చిరు’ విరామంలో ఎవరెన్ని సినిమాలు
ఇంటర్నెట్‌డెస్క్‌: చిరంజీవి సినిమా అంటే అభిమానులకు సంక్రాంతి పండుగ వచ్చినట్లే. బాస్‌ వెండితెరపై కనిపిస్తే రికార్డుల బాక్సులు బద్ధలవ్వాల్సిందే. అభిమానులు మెగాస్టార్‌ అని పిలుచుకునే చిరంజీవి తొమ్మిదేళ్ల తర్వాత వెండితెరపై కనిపించబోతున్నారు. వి.వి.వినాయక్‌ దర్శకత్వంలో ఆయన కథానాయకుడిగా నటిస్తున్న చిత్రం ‘ఖైదీ నంబర్‌ 150’. కొణిదెల ప్రొడక్షన్‌ కంపెనీ బ్యానర్‌పై రామ్‌చరణ్‌ స్వయంగా నిర్మిస్తున్నారు. సంక్రాంతి కానుకగా ఈ చిత్రం ప్రేక్షకుల ముందుకు రానుంది.

సినిమా అంటే పరుగు పందెంలాంటిది. కాస్త విరామం ఇచ్చినా తోటి నటులు దూసుకెళ్లిపోతారు. అయితే అక్కడక్కడ పలకరించే అపజయాల ఎదురుదెబ్బలను తట్టుకుని కెరీర్‌లో ముందుకు వెళ్లే వాడే విజేతగా నిలుస్తాడు. చిరంజీవి రాజకీయ రంగ ప్రవేశం కారణంగా గత కొంత కాలంగా ఆయన సినిమాలకు దూరంగా ఉంటూ వచ్చిన సంగతి తెలిసిందే. ఈ నేపథ్యంలో ఆయన సమకాలీన నటులు, పలువురు యువ నటులు తమదైన సినిమాలతో ముందుకు దూసుకుపోయారు. వీరిలో చిరంజీవి కుటుంబం నుంచి వచ్చిన రామ్‌చరణ్‌, అల్లు అర్జున్‌లు కూడా ఉన్నారు. తొమ్మిదేళ్ల ‘చిరు’ విరామంలో ఆయన సమకాలీకుడైన బాలకృష్ణ 12 చిత్రాల్లో నటించారు. ఇప్పుడు ఆయన తన కెరీర్‌లో ‘గౌతమిపుత్ర శాతకర్ణి’ ద్వారా 100వ చిత్ర మైలురాయిని అందుకున్నారు. ఇక నాగార్జునా అయితే దాదాపు 15 చిత్రాల్లో(అతిథి పాత్రలతో కలిపి) నటించారు. త్వరలో భక్తిరస చిత్రం ‘ఓం నమో వెంకటేశాయ’ ద్వారా ప్రేక్షకుల ముందుకు వచ్చేందుకు సిద్ధమవుతున్నారు. ఇక మరో హీరో వెంకటేష్‌ 11 చిత్రాల్లో నటించారు. తాజాగా ‘సాలా ఖడూస్‌’ రీమేక్‌లో నటిస్తూ ‘గురు’గా రాబోతున్నారు. మహేష్‌బాబు 8, పవన్‌కల్యాణ్‌ 9, అల్లు అర్జున్‌ 11, రామ్‌చరణ్‌ 9, ఎన్టీఆర్‌ 12, రవితేజ 18 , ప్రభాస్‌ 10 చిత్రాల్లో నటించగా.. నేచురల్‌ స్టార్‌ నాని ఏకంగా 20కు పైగా చిత్రాల్లో  (అతిథి పాత్రల్లో కలిపి) నటించడం విశేషం. ఇక తమిళ అగ్రకథానాయకులు రజనీకాంత్‌ 5, కమల్‌ హాసన్‌ 8 చిత్రాల్లో నటించారు.

చిరంజీవి మళ్లీ నటించాలని నిర్ణయం తీసుకున్న తర్వాత చాలా కథలనే విన్నారు. పరుచూరి బ్రదర్స్‌ చెప్పిన ‘ఉయ్యాలవాడ నరసింహరెడ్డి’.. పూరి జగన్నాథ్‌ చెప్పి ‘ఆటోజానీ’ విన్నా ఆయన మాత్రం చివరకు తమిళ ‘కత్తి’ని రీమేక్‌ చేసేందుకు ఆసక్తి చూపారు. రైతుల కోసం ఓ వ్యక్తి ఎలా పోరాటం చేశాడనేదే ఈ కథ. మరి తోటి నటులు, యువ కథానాయకులు సగటున ఏడెనిమిదికి పైగా చిత్రాల్లో నటించారు. చిరు ఈ ఒక్క చిత్రంతో తొమ్మిదేళ్ల విరామం ద్వారా ఏర్పడిన భారీ ఖాళీని భర్తీ చేస్తారని అభిమానులు ఆశిస్తున్నారు.

ఇటీవల విడుదల చేసిన ‘ఖైదీ నంబర్‌ 150’ టీజర్‌ అభిమానులను విశేషంగా ఆకట్టుకుంది. ఇందులో చిరంజీవిని చూసిన వారందరూ ఆశ్చర్యపోతున్నారు. చిరు సోదరుడు నాగబాబు అయితే ‘అన్నయ్యకు రామ్‌చరణ్‌కూ వయసులో పెద్ద తేడా కనిపించడం లేదు. ఇద్దరూ బ్రదర్స్‌లా ఉన్నారు’ అని పొగిడేస్తున్నారు. ఒకటి కాదు.. రెండు కాదు.. ఏకంగా తొమ్మిదేళ్ల తర్వాత చిరంజీవి నటిస్తున్న చిత్రం కావడంతో అంచనాలు భారీగా ఉన్నాయి. నిజంగా ‘ఖైదీ నంబర్‌ 150’ ‘బాస్‌ ఈజ్‌ బ్యాక్‌’ అనిపిస్తుందో లేదో కాలమే నిర్ణయిస్తుంది.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.