న్యూదిల్లీ: గోఎయిర్‌ సంస్థకు చెందిన 10 విమానాలు దిల్లీనుంచి ఆలస్యం బయల్దేరనున్నాయి. కాక్‌పీట్‌ సిబ్బంది అందుబాటులో లేకపోవడంతో ఈ పరిస్థితి నెలకొందని ఇందిరాగాంధీ అంతర్జాతీయ విమానాశ్రయ సిబ్బంది పేర్కొన్నారు. దీనిపై గో ఎయిర్‌ వర్గాలు స్పందిస్తూ ‘‘ఫ్లైట్‌ డ్యూటీ టైమ్‌ లిమిటేషన్స్‌(ఎఫ్‌టీడీఎల్‌) పూర్తయిన కారణంగా మా సిబ్బందిలో కొంత మంది అందుబాటులో లేరు. మేము ప్రత్యామ్నాయ సిబ్బందిని ఏర్పాటు చేస్తున్నాం’’ అని పేర్కొన్నారు.  కొన్ని చోట్ల వాతావరణం బాగోకపోవడంతో రెండు నుంచి నాలుగు గంటలు ఆలస్యమైంది. దీంతో ఫ్లైట్‌డ్యూటీ టైమ్‌ లిమిటేషన్స్‌ ముగిశాయి. 
ఏ విమానంలో సిబ్బంది అయినా 24గంటల విశ్రాంతి లేకుండా వరుసగా 11 గంటలపాటు డ్యూటీ చేయకూడదు.