GST Collection: మళ్లీ రూ.లక్ష కోట్లు దాటిన జీఎస్టీ వసూళ్లు - GST revenue collection for July rises by 33pc
close

Published : 01/08/2021 15:46 IST
Facebook Share Twitter Share WhatsApp Share Telegram Share Link Share

GST Collection: మళ్లీ రూ.లక్ష కోట్లు దాటిన జీఎస్టీ వసూళ్లు

దిల్లీ‌: జులై నెల జీఎస్‌టీ వసూళ్లు మరోసారి రూ.లక్ష కోట్ల మైలురాయిని అధిగమించాయి. 2021 జులైలో ఇవి రూ.1,16,393 కోట్లుగా నమోదయ్యాయి. 2020 జులై నాటితో పోలిస్తే ఇవి 33 శాతం అధికం. వరుసగా ఎనిమిది నెలల పాటు రూ.లక్ష కోట్లకు పైగా నమోదైన జీఎస్టీ వసూళ్లు.. 2021 జూన్‌లో రూ.92,849 కోట్లకు తగ్గిపోయిన విషయం తెలిసిందే.

జులై జీఎస్‌టీ వసూళ్లలో సీజీఎస్‌టీ రూ.22,197 కోట్లు, ఎస్‌జీఎస్‌టీ రూ.28,541 కోట్లు, ఐజీఎస్‌టీ రూ.57,864 కోట్లు (వస్తువుల దిగుమతులపై వసూలు చేసిన పన్నులతో కలిపి), సెస్సులు రూ.7,790 కోట్లు (వస్తువుల దిగుమతులపై వసూలు చేసిన సెస్సులతో కలిపి)గా ఉన్నాయి. రెగ్యులర్‌ సెటిల్‌మెంట్‌ కింద ఐజీఎస్‌టీ నుంచి సీజీఎస్‌టీ ఖాతాకు రూ.28,087 కోట్లు, ఎస్‌జీఎస్‌టీకి రూ.24,100 కోట్లను ప్రభుత్వం బదిలీ చేసింది. అనంతరం 2021 జులైలో కేంద్రం, రాష్ట్రాల మొత్తం ఆదాయం సీజీఎస్‌టీ కింద రూ.50,284 కోట్లు; ఎస్‌జీఎస్‌టీ కింద రూ.52,641 కోట్లుగా నమోదైంది.


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని