INDvsSL: టీమ్‌ఇండియా లక్ష్యం 276 - sri lanka sets good target for team india
close
Updated : 20/07/2021 19:22 IST
Facebook Share Twitter Share WhatsApp Share Telegram Share Link Share

INDvsSL: టీమ్‌ఇండియా లక్ష్యం 276

అర్ధ శతకాలతో రాణించిన అవిష్క, అసలంక..

ఇంటర్నెట్‌డెస్క్‌: కొలంబోలో జరుగుతున్న రెండో వన్డేలో శ్రీలంక.. టీమ్‌ఇండియా ముందు 276 పరుగుల లక్ష్యాన్ని నిర్దేశించింది. నిర్ణీత 50 ఓవర్లలో ఆ జట్టు తొమ్మిది వికెట్లు కోల్పోయి 275 పరుగులు చేసింది. ఓపెనర్‌ అవిష్క ఫెర్నాండో (50; 71 బంతుల్లో 4x4, 1x6), మిడిల్‌ ఆర్డర్‌ బ్యాట్స్‌మన్‌ చారిత్‌ అసలంక (65; 68 బంతుల్లో 6x4) అర్ధ శతకాలతో రాణించారు. చివర్లో కరుణరత్నె(44 నాటౌట్‌; 33 బంతుల్లో 5x4) మరోసారి కీలక ఇన్నింగ్స్‌ ఆడాడు. దాంతో ఆతిథ్య జట్టు మరోసారి టీమ్‌ఇండియా ముందు మంచి స్కోరే లక్ష్యంగా నిర్దేశించింది.

టాస్‌ గెలిచి బ్యాటింగ్‌ ఎంచుకున్న శ్రీలంకకు రెండో వన్డేలోనూ శుభారంభం దక్కింది. ఓపెనర్లు ఫెర్నాండో, భానుక (36; 42 బంతుల్లో 6x4) ధాటిగా ఆడి తొలి వికెట్‌కు 77 పరుగులు జోడించారు. అయితే, ప్రమాదకరంగా మారుతున్న వీరిని చాహల్‌ విడదీశాడు. 14వ ఓవర్‌లో వరుస బంతుల్లో భానుకతో పాటు వన్‌డౌన్‌ బ్యాట్స్‌మన్‌ రాజపక్స(0)ను ఔట్ చేసి భారత జట్టుకు ఉపశమనం కలిగించాడు. తర్వాత ధనంజయ (32; 45 బంతుల్లో 1x4)తో కలిసి ఫెర్నాండో ఇన్నింగ్స్‌ నిర్మించాడు. మూడో వికెట్‌కు వీరిద్దరూ 47 పరుగులు జోడించారు. ఈ క్రమంలోనే అర్ధశతకం పూర్తి చేసుకున్న ఫెర్నాండో భువనేశ్వర్‌ బౌలింగ్‌లో ఔటయ్యాడు. కాసేపటికే ధనంజయ సైతం దీపక్‌ చాహర్‌ బౌలింగ్‌లో పెవిలియన్‌ చేరాడు. అప్పటికి శ్రీలంక స్కోర్‌ 134/4గా నమోదైంది.

ఆపై మరోసారి జోడీ కట్టిన అసలంక, కెప్టెన్‌ దాసున్‌ షనక (16; 24 బంతుల్లో 1x4) నెమ్మదిగా ఆడి ఇన్నింగ్స్‌ చక్కదిద్దే ప్రయత్నం చేశారు. అయితే, చాహల్‌ బౌలింగ్‌లో షనక బౌల్డయ్యాడు. కాసేపటికే హసరంగా(8)ను దీపక్‌ చాహర్‌ బోల్తా కొట్టించాడు. ఈ నేపథ్యంలోనే జత కట్టిన అసలంక, కరుణరత్నె మరో కీలక భాగస్వామ్యం నెలకొల్పారు. వీరిద్దరూ ఏడో వికెట్‌కు 50 పరుగులు జోడించారు. అయితే, చివర్లో అసలంక ధాటిగా ఆడే క్రమంలో భువి బౌలింగ్‌ సబ్‌స్టిట్యూట్‌ ఫీల్డర్‌ దేవ్‌దత్‌ చేతికి చిక్కాడు. అనంతరం టెయిలెండర్లతో కలిసిన కరుణరత్నె చివరివరకు బ్యాటింగ్‌ చేశాడు. దాంతో తమ జట్టుకు విలువైన పరుగులు అందించాడు. కాగా, భారత బౌలర్లలో భువనేశ్వర్‌ కుమార్‌, యుజువేంద్ర చాహల్‌ చెరో మూడు వికెట్లు పడగొట్టగా, దీపక్‌ చాహర్‌ రెండు వికెట్లు తీశాడు.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని