సూర్య కథానాయకుడిగా నటించిన ‘సూరరై పొట్రూ’ ఆస్కార్‌ పోటీలోకి ప్రవేశించింది. ఈ చిత్రం తెలుగులో ‘ఆకాశం నీ హద్దురా’ పేరుతో విడుదలైంది. కరోనా వల్ల ఇది  ఓటీటీలో విడుదలైంది. ప్రేక్షకుల నుంచి చక్కటి ఆదరణని సొంతం చేసుకుంది. జనరల్‌ కేటగిరీలో ‘సూరరై పొట్రూ’ని ఆస్కార్‌ పురస్కారాల కోసం పంపింది ఆ చిత్రబృందం. ఆస్కార్‌ కొత్త  నిబంధనల ప్రకారం ఓటీటీ వేదికల్లో విడుదలైన సినిమాలూ  ఈ పురస్కారాల కోసం పోటీ పడొచ్చు. ఉత్తమ నటుడు, నటి, దర్శకుడు, సంగీతం తదితర విభాగాల్లో ఈ చిత్రం పోటీ పడుతోంది. ఆస్కార్‌ బృందం ఈ సినిమాని  తిలకించినట్టు సినీ వర్గాలు తెలిపాయి. ఇప్పటికే భారతదేశం తరఫున మలయాళ చిత్రం ‘జల్లికట్టు’ ఆస్కార్‌ బరిలోకి ప్రవేశించిన విషయం తెలిసిందే.