Crime: భూవివాదంలో నలుగురి దారుణ హత్య

తాజా వార్తలు

Published : 01/06/2021 01:38 IST

Crime: భూవివాదంలో నలుగురి దారుణ హత్య

వైరల్‌గా మారిన వీడియో

హసన్‌: కర్ణాటక రాష్ట్రం హసన్‌లోని హోలేనరాసిపుర తాలూక మౌరగౌడనహళ్లిలో తలెత్తిన ఓ భూ వివాదం నలుగురి ప్రాణాలను బలితీసుకుంది. ఈ ఘటనలో చనిపోయే ముందు ఓ వ్యక్తి తీసిన వీడియో సామాజిక మాధ్యమాల్లో వైరల్‌గా మారింది. నిందితుడు చేతిలో కత్తి పట్టుకుని ప్రత్యర్థులను బెదిరించడం, వారితో దురుసుగా మాట్లాడటం వంటి దృశ్యాలు వీడియోలో స్పష్టంగా కనిపిస్తున్నాయి. దీని ఆధారంగా పోలీసులు నిందితుడిని అరెస్టు చేశారు. మే 24న ఈ ఘటన జరగ్గా వీడియో ఆలస్యంగా వెలుగులోకి వచ్చింది.

పాపనాని, రవికుమార్‌ అనే ఇద్దరు వ్యక్తుల మధ్య మొదట ఈ భూ వివాదం తలెత్తింది. అదికాస్తా చిలికిచిలికి గాలివానలా మారడంతో ఇరు వర్గాలు పొలంలో గొడవకు దిగాయి. ఈ క్రమంలో రవిశంకర్‌ సహా మరో ఇద్దరిని పాపనాని కత్తితో దారుణంగా పొడిచి హత్య చేశాడు. విషయం తెలుసుకున్న రవికుమార్‌.. మిత్రుడు భానుతో కలిసి పాపనానిని హతమార్చారు. ఈ ఘటన జరగడానికి ముందు రవిశంకర్‌ తీసిన వీడియో వైరల్‌గా మారింది.

ఈ ఘటనలో రవిశంకర్‌, మల్లేశ్‌, మంజేషా, పాపనాని మృతిచెందినట్లు పోలీసులు వెల్లడించారు. వీరిలో మొదటి ముగ్గురు ఒకే కుటుంబానికి చెందినవారని పోలీసులు తెలిపారు. ఈ ఘటనలో పాపనానికి మద్దతుగా నిలిచిన ప్రదీప, యోగేశ్‌, రవి, సచిన్‌ ఉన్నట్లు పేర్కొన్న పోలీసులు.. వారిని అరెస్టు చేసినట్లు వివరించారు. మరో నిందితుడు భానును కూడా అదుపులోకి తీసుకున్నట్లు తెలిపారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని