శశి థరూర్‌కే ఇంత ఇంగ్లీష్‌ తెలియదట..

తాజా వార్తలు

Updated : 08/11/2020 13:49 IST

శశి థరూర్‌కే ఇంత ఇంగ్లీష్‌ తెలియదట..

అదరగొట్టిన పదో తరగతి బాలిక!

ఇంటర్నెట్‌ డెస్క్‌: లండన్‌లో పుట్టి, అమెరికాలో ఉన్నత విద్యను అభ్యసించిన కాంగ్రెస్‌ ఎంపీ శశి థరూర్‌ మాట్లాడినపుడు పెద్ద పెద్ద వాళ్లే ఇంగ్లీషు డిక్షనరీలను తిరగేస్తారు. ఎప్పుడూ కనీ విని ఎరుగని క్లిష్టమైన పదాలతో కూడిన ఆయన శైలిని, భాషా నైపుణ్యాన్ని పలువురు ప్రముఖులతో సహా ఎందరో మెచ్చుకుంటారు. అరుదైన పదాలతో కూడిన ఆంగ్ల పదసంపద ఆయన సొంతం. అయితే కేరళకు చెందిన ఓ పదో తరగతి బాలిక ఇంతటి విద్యావేత్తకు తెలియని ఇంగ్లీషును పరిచయం చేసింది. ఇడుక్కికి చెందిన దియా మాటలకు ఆ సీనియర్‌ పార్లమెంట్‌ సభ్యుడు ఆనందాశ్చర్యాలు వ్యక్తం చేశారు.

ఓ అతి పొడవైన ఆంగ్ల పదాన్ని పలకాలని దియా ఇదివరకు సామాజిక మాధ్యమాల ద్వారా శశి థరూర్‌ను కోరిందట. కాగా, ఆమె ఇటీవల తన ఇంగ్లీషు భాషా నైపుణ్యాన్ని ఓ ఎఫ్‌ఎం రేడియో కార్యక్రమంలో ప్రదర్శిస్తున్న సమయంలో.. థరూర్‌ హఠాత్తుగా ఆన్‌లైన్లో హాజరై ఆశ్చర్యపరిచారు. ఈ సందర్భంగా దియా మరోసారి ఆ టంగ్‌ ట్విస్టర్‌ (కఠినపదం)ను తడబడకుండా, గుక్కతిప్పుకోకుండా, ఆపకుండా ఏకరువు పెట్టగా .. తను అలా చేయలేనంటూ శశి థరూర్‌ ఓటమిని అంగీకరించక తప్పలేదు. ఇంతకీ దాని అర్థం ఏంటని ప్రశ్నించిన ఈ సీనియర్‌ నేతకు.. అది ఓ కల్పిత ఆహార పదార్థం పేరని నవ్వుతూ బదులిచ్చింది దియా.

ఆ పదాన్ని గుర్తుంచుకుని మళ్లీ చెప్పడానికి అది చిన్న పదమేమీ కాదని,  దానిని అందరూ చెప్పలేరని థరూర్‌ అభిప్రాయపడ్డారు. బాలిక జ్ఞాపకశక్తి, ఏకాగ్రత  అమోఘమని.. అయితే నిత్యజీవితంలో ఉపయోగించే అతిపెద్ద పదాలను నేర్చుకోవాలని ఆమెకు సలహా ఇచ్చారు. ‘‘నేను ఎప్పుడూ వినని, నాలుకను మెలితిప్పే ఇంగ్లీష్‌ టంగ్‌ట్విస్టర్‌లను స్వంతం చేసుకున్న తెలివైన పదో తరగతి విద్యార్థిని అద్భుతమైన కథ.’’ అంటూ ఆయన ట్వీట్‌ చేశారు. దానికి ఈ సంఘటనకు సంబంధించిన వీడియో లింక్‌ను జతచేశారు. ఇది సామాజిక మాధ్యమాల్లో, యువతలో విపరీతంగా ప్రచారమౌతోంది. దియా ప్రతిభ, ఆత్మవిశ్వాసం, పరిశ్రమ అమోఘమని అభినందనలు వెల్లువెత్తుతున్నాయి. ఇంతకీ ఆ పదం ఏదో  తెలుసుకోవాలంటే ఆ వీడియో మీరూ చూసేయండి మరి!



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని