యాదాద్రి: రెండున్నర నెలల్లో అన్ని పనులు పూర్తి చేయాలి
close

తాజా వార్తలు

Updated : 22/06/2021 10:57 IST

యాదాద్రి: రెండున్నర నెలల్లో అన్ని పనులు పూర్తి చేయాలి

అధికారులకు సీఎం కేసీఆర్‌ ఆదేశం

యాదాద్రి: టెంపుల్‌ టౌన్‌ యాదగిరిగుట్టలో జరుగుతున్న నిర్మాణ పనులన్నింటినీ రెండున్నర నెలల్లో పూర్తి చేయాలని ముఖ్యమంత్రి కేసీఆర్‌ అధికారులను ఆదేశించారు. వరంగల్‌ పర్యటన ముగించుకుని వస్తూ మార్గం మధ్యలో ఆలయంలో జరుగుతున్న నిర్మాణ పనులను పరిశీలించేందుకు వచ్చారు. ముందుగా సీఎం ఆలయ రింగ్‌రోడ్‌ చుట్టూ పర్యటించి పనులు జరుగుతున్న తీరును పరిశీలించారు. అనంతరం స్వామివారిని దర్శించుకుని వేదపండితుల ఆశీర్వవచనం తీసుకున్నారు. ఈవో కార్యాలయంలో ఆలయ అధికారులతో సమావేశమై ఆలయం బయట, లోపల జరుగుతున్న పనుల గురించి అడిగి తెలుసుకున్నారు. ఆలయ నిర్మాణ పనులను సాధ్యమైనంత త్వరగా పూర్తి చేయాలని సంబంధిత అధికారులను సీఎం ఆదేశించారు. అన్నిరకాల పనులను సమాంతరంగా కొనసాగించాలని, కాటేజీల నిర్మాణానికి వైటీడీఏ ఆధ్వర్యంలో టెండర్లు పిలవాలని అధికారులకు సూచించారు. రింగ్‌రోడ్‌ పరిధిలోని భూములపై డీజీపీఎస్‌ సర్వే చేయాలని సీఎస్‌ను ఆదేశించారు. యాదగిరిగుట్టలో బస్‌స్టాండ్‌, బస్‌డిపో నిర్మాణానికి నిధులు విడుదల చేస్తామని ఈ సందర్భంగా సీఎం చెప్పారు. వారంలోగా నిర్మాణ పనులను ప్రారంభించాలని, 3 నెలల్లోగా బస్టాండ్‌ నిర్మాణ పనులు పూర్తి కావాలని సీఎం ఆర్టీసీ అధికారులను ఆదేశించారు.  



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని