AP News: చాకులతో కాదు బ్రో.. కత్తులతో కోద్దాం!
close

తాజా వార్తలు

Published : 17/06/2021 08:10 IST

AP News: చాకులతో కాదు బ్రో.. కత్తులతో కోద్దాం!

కేకులు కోస్తూ యువత వీరంగం 

ముమ్మిడివరం, న్యూస్‌టుడే: వైకాపా నాయకుడి కుమారుడి పుట్టినరోజు వేడుకల సందర్భంగా యువకులు కత్తులతో వీరంగం సృష్టించారు. తూర్పుగోదావరి జిల్లా ముమ్మిడివరంలో ఈ ఘటన చోటుచేసుకుంది. మాజీ కౌన్సిలర్‌ తనయుడు యల్లమిల్లి దుర్గాప్రసాద్‌ పుట్టినరోజు సందర్భంగా స్థానిక విష్ణ్వాలయం సెంటర్‌లో మంగళవారం రాత్రి వేడుకలకు ఏర్పాట్లు చేశారు. కొంతమంది యువకులు కత్తులు తెచ్చి తమ నాయకుడు దుర్గాప్రసాద్‌ చేతికిచ్చి వాటితో కేకు కోయించారు. అనంతరం పెద్దఎత్తున కేకలు వేస్తూ ద్విచక్ర వాహనాలపై కత్తులు తిప్పుతూ ర్యాలీగా వెళ్లారు. పోలీస్‌స్టేషన్‌ ఎదురుగా ఓ కారుపై మరో కేకును ఉంచి కత్తితో కోసి వేడుకలు చేసుకున్నారు. మళ్లీ ర్యాలీగా విష్ణ్వాలయం సెంటర్‌కు చేరుకున్నారు. ఈ విషయం తెలుసుకున్న ఎస్సై కె.సురేష్‌కుమార్‌ అక్కడకు వెళ్లి వారిని చెదరగొట్టారు. కర్ఫ్యూ అమలులో ఉన్న సమయంలో పోలీస్‌స్టేషన్‌ ఎదుటే పుట్టినరోజు వేడుకల పేరుతో యువకులు హల్‌చల్‌ చేయడం విమర్శలకు దారితీసింది. అమలాపురం డీఎస్పీ మాధవరెడ్డి, ముమ్మిడివరం సీఐ జానకిరాం, ఎస్సై సురేష్‌బాబు బుధవారం దీనిపై విచారణ చేపట్టారు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని