Fake Wedding Guests: పెళ్లికి నకిలీ అతిథులు.. అదో వ్యాపారం తెలుసా..?

తాజా వార్తలు

Published : 26/10/2021 01:33 IST

Fake Wedding Guests: పెళ్లికి నకిలీ అతిథులు.. అదో వ్యాపారం తెలుసా..?

ఎక్కడంటే..?

ఇంటర్నెట్ డెస్క్: జీవితంలో మరో బంధంలోకి అడుగుపెట్టే వేడుక వివాహం. దీన్ని సాధ్యమైనంత అందంగా మలచుకోవాలని ప్రతిఒక్కరు కలలుకంటారు. ఆ వేడుకలో తమ స్థాయికి తగ్గ ఏర్పాట్లు చేస్తారు. వధూవరుల ముస్తాబు, పెళ్లి మండపం అలంకరణ, వంటలు, అతిథి మర్యాదలు ఇలా ప్రతిదానిలో తమ హోదా కనిపించేలా చూసుకుంటారు. దక్షిణ కొరియా వాసులు కూడా ఇందుకు ఏ మాత్రం తీసిపోరు. అక్కడివారు ఎంత ఎక్కువమంది అతిథులు హాజరైతే అంత గొప్పగా భావిస్తుంటారు. ప్రజల మనసును కనిపెట్టిన కంపెనీలు దీన్నే వ్యాపార ఆలోచనగా మలుచుకున్నాయి. అలా పుట్టుకొచ్చిందే ఫేక్ వెడ్డింగ్ గెస్ట్స్‌( నకిలీ వివాహ అతిధులు) వ్యాపారం. 

 వివాహ తంతు వరకు మొత్తం కార్యక్రమాలకు తగిన ఏర్పాట్లు చేస్తారు వెడ్డింగ్ ప్లానర్లు. అదే తరహాలో ఈ కంపెనీలు వధూవరులు కోరిన మేరకు నకిలీ వెడ్డింగ్ గెస్ట్‌లను అందుబాటులో ఉంచుతారు. వారు పెళ్లిలో కుర్చీలు ఖాళీగా ఉండకుండా చూసుకుంటారు. తామే ఈ పెళ్లి అతిథులం అన్నట్లు దర్జాగా కూర్చుంటారు. దాంతో తమ తరఫు పెద్ద సంఖ్యలో అతిథులు వచ్చారని వధూవరుల కుటుంబాలు సంతృప్తి పడగటంతో పాటు.. ఇటు కంపెనీల జేబులు నిండుతాయి.  

ఇప్పుడు దక్షిణ కొరియాలో కరోనా వ్యాప్తి అదుపులో ఉండటంతో అక్కడి ప్రభుత్వం కొవిడ్ నిబంధనలను సడలించింది. వివాహానికి హాజరయ్యే అతిథుల సంఖ్య 99కి పెంచింది. మున్ముందు ఆ సంఖ్యను 250కి పెంచే యోచనలో ఉంది. ఈ క్రమంలో నకిలీ వెడ్డింగ్ గెస్ట్‌ల వ్యాపారం మళ్లీ పుంజుకుంటోందని అక్కడి మీడియా సంస్థ వెల్లడించింది. నకిలీ గెస్టుల కోసం గతంలో కంటే రెండు రెట్లు ఎక్కువగా ఫోన్ కాల్స్ వస్తున్నాయని ఓ కంపెనీ ఉద్యోగి వెల్లడించారు. అలాగే టీకా వేశాకే వారిని అతిథులుగా పంపుతున్నట్లూ చెప్పారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని