ప్రధానాంశాలు

Published : 05/05/2021 22:06 IST
Facebook Share Twitter Share WhatsApp Share Telegram Share
IPL:ఇంగ్లాండ్ చేరుకున్న ఆటగాళ్లు..

లండన్‌: బయో బబుల్‌లో ఉన్న ఆటగాళ్లు, సిబ్బంది వరుసగా కరోనా బారినపడుతుండటంతో  ఐపీఎల్‌ను నిరవధికంగా వాయిదా వేస్తున్నట్లు బీసీసీఐ, ఐపీఎల్‌లు నిర్ణయం తీసుకున్న సంగతి తెలిసిందే. దీంతో విదేశీ ఆటగాళ్లు తమ స్వదేశాలకు తిరుగు పయనం అవుతున్నారు. జానీ బెయిర్ స్టో, జోస్‌ బట్లర్‌, సామ్‌ బిల్లింగ్స్‌, క్రిస్ వోక్స్, మొయిన్‌ అలీ, జేసన్‌ రాయ్, సామ్ కరన్, టామ్‌ కరన్‌ బుధవారం లండన్‌కు చేరుకున్నారు. వీరు ప్రభుత్వం గుర్తించిన హోటళ్లలో క్వారంటైన్‌లో ఉండనున్నారు. ఇయాన్ మోర్గాన్, డేవిడ్ మలన్‌, క్రిస్ జోర్డాన్ రెండు రోజుల్లో భారత్‌ను వీడనున్నారు.


మరోవైపు, భారత్ నుంచి ఆస్ట్రేలియాకు వచ్చే ప్రయాణికులపై ఆ దేశ ప్రభుత్వం మే 15 వరకు నిషేధం విధించింది. ఈ నిషేధం ఆస్ట్రేలియా పౌరులకు కూడా వర్తిస్తుందని పేర్కొంది. భారత్‌లో ఉండిపోయిన ఆసీస్‌ ఆటగాళ్లతో ఇతర దేశాల క్రికెటర్లతోపాటు వివిధ విభాగాలకు చెందిన వారిని  వీలైనంత త్వరగా వారి స్వదేశాలకు చేర్చేందుకు బీసీసీఐ అధికారులు  ప్రయత్నాలను ముమ్మరం చేశారు. 

ఇవీ చదవండి

Tags :

మరిన్ని

తాజా వార్తలు

మరిన్ని
బిజినెస్‌
మరిన్ని
సినిమా
మరిన్ని

చిత్ర వార్తలు

© 1999 - 2021 Ushodaya Enterprises Pvt.Ltd,All rights reserved.
Powered By Margadarsi Computers
For Editorial Feedback - eMail: infonet@eenadu.net