ప్రధానాంశాలు

Published : 09/06/2021 22:37 IST
Facebook Share Twitter Share WhatsApp Share Telegram Share
Oxygen:397 రైళ్లు.. 28వేల మెట్రిక్‌ టన్నులు!

దిల్లీ: కరోనా సెకండ్‌ వేవ్‌ ఉగ్రరూపం దాల్చడంతో దేశంలో మెడికల్‌ ఆక్సిజన్‌ కొరత తీర్చేందుకు భారతీయ రైల్వే సంస్థ ఆక్సిజన్‌ ఎక్స్‌ప్రెస్‌ రైళ్లతో ప్రాణ వాయువును సరఫరా చేస్తున్న విషయం తెలిసిందే. అయితే, ఇప్పటివరకు దేశవ్యాప్తంగా 15 రాష్ట్రాలకు 28వేల మెట్రిక్‌ టన్నులకు పైగా ఆక్సిజన్‌ను సరఫరా చేసినట్టు కేంద్రం వెల్లడించింది. ఆక్సిజన్‌ అందక రోగులు ఉక్కిరిబిక్కిరవుతున్న సమయంలో 397 ఆక్సిజన్‌ ఎక్స్‌ప్రెస్‌ రైళ్లతో 1628 ట్యాంకుల ద్వారా రాష్ట్రాలకు ఆక్సిజన్‌ను అందించి ఉపశమనం కలిగించినట్టు పేర్కొంది. ఇప్పటివరకు భారతీయ రైల్వేల ద్వారా 28,060 మెట్రిక్‌ టన్నుల లిక్విడ్‌ మెడికల్‌ ఆక్సిజన్‌ను సరఫరా చేయగా.. మహారాష్ట్రకు 614 మెట్రిక్‌ టన్నులు, యూపీ 3,797, మధ్యప్రదేశ్‌ 656, దిల్లీ 5,722, హరియాణా 2,354, రాజస్థాన్‌ 98, కర్ణాటక 3450, ఉత్తరాఖండ్‌ 320, తమిళనాడు 3,972, ఆంధ్రప్రదేశ్‌ 3,130, పంజాబ్‌ 225, తెలంగాణ 2,765, కేరళ 513, జార్ఖండ్‌ 38, అసోంకు 400 మెట్రిక్‌ టన్నుల చొప్పున సరఫరా చేసినట్టు వివరించింది. దాదాపు 45 రోజుల క్రితం ఏప్రిల్‌ 24న తొలి ఆక్సిజన్‌ ఎక్స్‌ప్రెస్‌ విశాఖ నుంచి 126 మెట్రిక్‌ టన్నుల ప్రాణవాయువుతో మహారాష్ట్రకు వెళ్లిందని కేంద్రం తెలిపింది. రాష్ట్రాలు కోరగానే సాధ్యమైనంత తక్కువ సమయంలోనే ఆక్సిజన్‌ సరఫరా చేస్తున్నట్టు రైల్వే శాఖ తెలిపింది.

ఇవీ చదవండి

Tags :

మరిన్ని

తాజా వార్తలు

మరిన్ని
బిజినెస్‌
మరిన్ని
సినిమా
మరిన్ని

చిత్ర వార్తలు

© 1999 - 2021 Ushodaya Enterprises Pvt.Ltd,All rights reserved.
Powered By Margadarsi Computers
For Editorial Feedback - eMail: infonet@eenadu.net