ఐసీయూ బెడ్‌పైనే వివాహం!
close

తాజా వార్తలు

Published : 21/08/2020 02:27 IST
Facebook Share Twitter Share WhatsApp Share Telegram Share Link Share

ఐసీయూ బెడ్‌పైనే వివాహం!

ఇంటర్నెట్‌ డెస్క్‌: వారిద్దరూ ఒకరినొకరు ప్రేమించుకున్నారు. పెళ్లి చేసుకోవాలని నిశ్చయించుకున్నారు. అందుకు ఏర్పాట్లు కూడా చేసుకున్నారు. కానీ అంతలోనే వారి జీవితంలో కుదుపు. ఎందరో జీవితాలను కబళించిన కరోనా మహమ్మారి ఆ ప్రియుడికి సోకింది. ఏంచేయాలో తెలియక పెళ్లి వాయిదా వేసుకొని చికిత్స కోసం ఆస్పత్రిలో చేరాడు. అయితే ఆరోగ్య పరిస్థితి మరింత క్షీణించడంతో ఐసీయూలో ఉంచి చికిత్స అందించడం ప్రారంభించారు.

కొద్దిరోజుల తర్వాత అతడి ఆరోగ్య స్థితి కొంత మెరుగుపడింది. అయినప్పటికీ అతడికి లైఫ్ సపోర్ట్ మాత్రం మరి కొద్ది రోజులు పాటు కొనసాగించాలని డాక్టర్లు సూచించారు. కానీ పెళ్లి చేసుకోవాలన్న కోరిక మాత్రం అతడిలో అలాగే ఉండిపోయింది. పరిస్థితి తెలుసుకున్న ఆస్పత్రి నర్సు అతడికి పెళ్లి చేసుకోవాలని సలహా ఇచ్చింది. అయితే ఇలాంటి పరిస్థితిలో ప్రియురాలు పెళ్లికి ఒప్పుకుంటుందో లేదోనని మనసులో చిన్న సందిగ్ధం. మదనపడుతూనే తన మసులోని కోరికను ప్రియురాలి ముందుంచాడు. అందుకు ఆమె కూడా అంగీకరించడంతో అతడి ఆనందానికి అంతేలేదు.

ఆస్పత్రిలోనే ఐసీయూ బెడ్‌పై నుంచి తనకు వైద్యం అందించే డాక్టర్లు, సేవ చేసే నర్సుల సాక్షిగా ఆమె చేతిని తన చేతిలోకి తీసుకుని పెళ్లి ప్రమాణం చేశాడు. అలా ఇద్దరు ఒక్కటయ్యారు. ఈ పెళ్లికి అమెరికా టెక్సాస్‌లోని శాన్‌ ఆంటోనియా మెతోడిస్ట్ ఆస్పత్రి వేదికైంది. ఆ ప్రియుడి పేరు కార్ల్స్‌ మునిజ్‌, అతడి ప్రియురాలు లీమానీ. ప్రస్తుతం వీరి వివాహానికి సంబంధించిన ఫొటో, వీడియో సోషల్ మీడియాలో వైరల్ అవుతున్నాయి. పెళ్లి తర్వాత కార్ల్స్‌ పరిస్థితి కొంత మెరుగైనట్లు ఆస్పత్రి వర్గాలు తెలిపాయి.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని