రాహుల్‌, ప్రియాంకపై కేసు నమోదు
close

తాజా వార్తలు

Published : 02/10/2020 00:44 IST
Facebook Share Twitter Share WhatsApp Share Telegram Share Link Share

రాహుల్‌, ప్రియాంకపై కేసు నమోదు

లఖ్‌నవూ: కాంగ్రెస్‌ అగ్ర నేతలు రాహుల్‌ గాంధీ, ప్రియాంక గాంధీ వాద్రా సహా 200 మంది కార్యకర్తలపై యూపీ పోలీసులు కేసు నమోదు చేశారు. వారంతా భౌతికదూరం పాటించలేదని, మాస్క్‌లు కూడా ధరించకుండా ఎపిడమిక్‌ చట్టాన్ని ఉల్లంఘించారని గౌతమబుద్ధనగర్‌ పోలీసులు ఎఫ్‌ఐఆర్‌లో పేర్కొన్నారు. కరోనా నేపథ్యంలో విధించిన ఆంక్షలను ఉల్లంఘించారని తెలిపారు. ఈ ఘటనపై పోలీసులు తెలిపిన వివరాల ప్రకారం.. రాహుల్‌, ప్రియాంకలతో పాటు 200 మందికి పైగా కాంగ్రెస్‌ కార్యకర్తలు వద్దని చెప్పినా వినకుండా హాథ్రస్‌ వైపు వెళ్లేందుకు ప్రయత్నించారని తెలిపారు. అలాగే, దాదాపు 50 కార్లతో కాన్వాయ్‌లో వచ్చారని, ఎంత చెప్పినా వినకుండా ముందుకెళ్తుండటంతో యమునా ఎక్స్‌ప్రెస్‌ వే వద్ద అడ్డుకున్నామన్నారు. ట్రాఫిక్‌ నిబంధనలను ఉల్లంఘించి వాహనాల రాకపోకలకు అంతరాయం కలిగించారని ఆరోపించారు. ఆ కాన్వాయ్‌లోని రెండు వాహనాలు ఓ ప్రమాదానికి కూడా కారణమయ్యాయని పోలీసులు తెలిపారు. 

హాథ్రస్‌ ఘటనలో మృతురాలి కుటుంబ సభ్యుల్ని పరామర్శించేందుకు రాహుల్‌, ప్రియాంక వెళ్లేందుకు ప్రయత్నించడంతో తీవ్ర ఉద్రిక్తతకు దారితీసిన విషయం తెలిసిందే. పోలీసులు వారిని హాథ్రస్‌‌ వైపు వెళ్లకుండా అడ్డుకున్నారు. ఒకానొక దశలో తోపులాట జరగడంతో రాహుల్‌ గాంధీ కింద పడిపోయారు. రాహుల్‌ గాంధీ పట్ల యూపీ పోలీసులు వ్యవహరించిన తీరును పలు విపక్ష పార్టీల నేతలు తీవ్రంగా ఖండిస్తున్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని