close

తాజా వార్తలు

Published : 18/11/2020 00:42 IST
Facebook Share Twitter Share WhatsApp Share Telegram Share

నూతన విద్యా విధానంతో  విశ్వగురువుగా భారత్‌

ఎన్‌ఐటీ అగర్తల స్నాతకోత్సవంలో ఉప రాష్ట్రపతి

దిల్లీ: భారత్‌లో ప్రవేశపెట్టిన నూతన విద్యా విధానం భారత్‌ను విశ్వగురువుగా నిలుపుతుందని ఉపరాష్ట్రపతి వెంకయ్యనాయుడు అన్నారు. ఎన్‌ఐటీ అగర్తలలో మంగళవారం జరిగిన 13వ స్నాతకోత్సవానికి ఉపరాష్ట్రపతి వర్చువల్‌ విధానంలో హాజరై ప్రసంగించారు.  ఈ నూతన విద్యా విధానం క్రమశిక్షణతో కూడిన పూర్తిస్థాయి విద్యను, విలువలను అందిస్తుందన్నారు.  ‘‘ విద్యా సంస్థలు, విశ్వవిద్యాలయాలు జ్ఞానార్జనకు కేంద్రాలుగా ఉండాలి.  విద్యార్థులు, పరిశోధకులు నిరంతరం ముందుకు సాగుతూనే ఉండాలి.  విద్యా బోధనలో ఎప్పటికప్పుడు కొత్త నైపుణ్యాలు అలవర్చుకోవాలి.  మనం నేర్చుకున్న దానిని ఎప్పుడైతే జీవితాల్లో అనుసరిస్తామో అప్పుడే అభివృద్ధి జరుగుతుంది.’’ అని వెంకయ్యనాయుడు అన్నారు.   భారతీయ ఔన్నత్యాన్ని తెలిపేలా విద్యార్థులంతా వసుధైక కుటుంబంలా ఉండాలన్నారు. పంచుకోవడంలోనే సంతోషం ఉందన్న విషయాన్ని మర్చిపోకూడదని తెలిపారు.  నేషనల్‌ ఇన్‌స్టిట్యూట్‌ ర్యాంకింగ్‌ ఫ్రేమ్‌వర్క్‌ ప్రకటించిన వంద ఉత్తమ ఇంజనీరింగ్‌ కళాశాలల్లో స్థానం సాధించినందుకు ఎన్‌ఐటీ అగర్తలను ఉపరాష్ట్రపతి వెంకయ్యనాయుడు అభినందించారు. 


 


 

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని