తల్లిదండ్రులను ఎలా చూస్తున్నారు?

క్రీస్తువాణి

ప్రతివారికీ రెండు విషయాలపై భయం ఉంటుంది. వాటిని ఎవరూ తప్పించుకోలేరు. అవి వృద్ధాప్యం, మరణం. వృద్ధులంటే గౌరవనీయులు.

కానీ చాలా కుటుంబాల్లో పెద్ద వారి పరిస్థితి ఏంటి? వ్యక్తిగా మొదలై, తమ జీవితాలను, కుటుంబాలను వృద్ధి చేసుకుంటూ ఒక సమాజాన్ని నిర్మించిన వారిని... వారి పిల్లలు ఎలా చూస్తున్నారు? పెద్ద వయసులో వారికి భరోసాగా నిలుస్తున్నారా?... ప్రతి వ్యక్తి, సమాజం ఆలోచించాల్సిన విషయాలివి...

ప్రతి వ్యక్తీ తాము కూడా ఆ దశను దాటాల్సి ఉంటుందని గుర్తుంచుకోవాలి. తల్లిదండ్రులు, పెద్దలపై తమ బాధ్యతలను నెరవేర్చాలి. ఈ సందర్భంలో క్రీస్తు చెప్పిన ఉపదేశం సదా స్మరణీయం.

ఒక వ్యక్తి వచ్చి ‘నిత్య జీవం పొందడానికి నేనేం చేయాలి?’ అని అడిగాడు. అందుకు క్రీస్తు దేవుడి పది ఆజ్ఞలను పాటించాలని చెప్పారు. ‘నీవు దీర్ఘాయుష్మంతుడు అయినంత కాలం నీ తల్లిదండ్రులను సన్మానించాలి’... అనేది ఆ పది ఆజ్ఞల్లో ఒకటి. ఇది నైతిక బాధ్యత మాత్రమే కాదు, దేవుడి ఆజ్ఞ అని కూడా గుర్తించాలి.

ఈ విషయం క్రీస్తు స్వయంగా ఆచరించాడు కూడా... ఆయన సిలువపై మరణయాతన పడే సమయంలో తన తల్లిని చూసుకునే అవకాశం లేనందున తన ముఖ్య శిష్యుడైన యోహానుకు తల్లిని అప్పగిస్తూ ‘అమ్మా! ఇదిగో నీ ప్రియ కుమారుడు.. సోదరా... ఇదిగో నీ తల్లి’ అని అన్నాడు. ఇది క్రీస్తు చివరి సందేశం. తల్లిదండ్రులను జీవిత పర్యంతం సాకాలనే దివ్యోపదేశం.

- ఎం.సుగుణరావు

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి