Rocket attack: కాందహార్‌ విమానాశ్రయంపై రాకెట్ల దాడి

తాజా వార్తలు

Updated : 01/08/2021 13:55 IST

Rocket attack: కాందహార్‌ విమానాశ్రయంపై రాకెట్ల దాడి

కాందహార్‌: అఫ్గానిస్థాన్‌లోని కాందహార్‌ అంతర్జాతీయ విమానాశ్రయంపై శనివారం రాత్రి రాకెట్ల దాడి జరిగింది. ఈ విషయాన్ని విమానాశ్రయ చీఫ్‌ మసూద్‌ పష్తూన్‌ ధ్రువీకరించారు. రెండు రాకెట్లు రన్‌వేను తాకాయని తెలిపారు. దీంతో విమాన సేవలు తాత్కాలికంగా నిలిచిపోయాయన్నారు. రన్‌వేను బాగుచేసే పనులు వేగంగా కొనసాగుతున్నాయన్నారు. ఆదివారం మధ్యాహ్నానికి విమాన సేవలు పునరుద్ధరించే అవకాశం ఉందన్నారు.

అమెరికా, నాటో బలగాల నిష్క్రమణ తర్వాత అఫ్గాన్‌లోని మెజారిటీ ప్రాంతాలను తాలిబన్లు ఆక్రమించుకున్న విషయం తెలిసిందే. ఇప్పటికే 80 శాతం భూభాగం వారి చేతుల్లోకి వెళ్లిపోయింది. దేశ దక్షిణ ప్రాంతంలో కీలక ప్రాంతమైన కాందహార్ ఆక్రమణకు గత కొన్ని వారాలుగా తాలిబన్లు తీవ్ర ప్రయత్నాలు చేస్తున్నారు. ఈ క్రమంలో అఫ్గాన్‌ సైన్యం, తాలిబన్ల మధ్య భీకర పోరు జరుగుతోంది. ఇప్పటికే కొంతమంది తాలిబన్‌ మిలిటెంట్లు నగరంలోకి ప్రవేశించారు. తాలిబన్లపై దాడికి కాందహార్‌ విమానాశ్రయం కీలకంగా వ్యవహరిస్తోంది. కావాల్సిన లాజిస్టిక్‌, వాయుసేన సహకారం ఇక్కడి నుంచే కొనసాగుతోంది. ఈ నేపథ్యంలోనే తాలిబన్లు విమానాశ్రయాన్ని లక్ష్యంగా చేసుకొని దాడి చేసి ఉంటారని భావిస్తున్నారు. దక్షిణ ప్రాంతంలోని మరో రెండు రాష్ట్రాల రాజధానులైన హెరాత్‌, లష్కర్‌ ఘాను సైతం సొంతం చేసుకునేందుకు తాలిబన్లు ముందుకు సాగుతున్నారు. ఇప్పటికే ఈ నగరాల సరిహద్దులకు చేరారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని