close

తాజా వార్తలు

Updated : 04/03/2021 11:55 IST
Facebook Share Twitter Share WhatsApp Share Telegram Share

ఉద్యోగం రాలేదు.. తాజ్‌మహల్‌లో బాంబు పెట్టా

చారిత్రక కట్టడానికి నకిలీ బెదిరింపు కాల్‌

 

దిల్లీ: ఆగ్రాలోని ప్రముఖ చారిత్రక కట్టడం తాజ్‌మహల్‌లో బాంబు బెదిరింపు కలకలం సృష్టించింది. తాజ్‌మహల్‌లో బాంబ్‌ ఉందంటూ ఈ ఉదయం పోలీస్‌ కంట్రోల్‌ రూంకు ఫోన్‌ వచ్చింది. దీంతో అప్రమత్తమైన పోలీసులు ముమ్మర తనిఖీలు చేశారు. అయితే అది నకిలీ కాల్‌ అని తేలడంతో అధికారులు ఊపిరిపీల్చుకున్నారు.

తాజ్‌ మహల్‌ వద్ద బాంబు పెట్టినట్టు గురువారం ఉదయం పోలీసులకు ఫోన్‌కాల్‌ వచ్చింది. ‘‘సైనిక నియామకాల్లో అవతకవలు జరుగుతున్నాయి. నన్ను రిక్రూట్‌ చేసుకోలేదు. అందుకే తాజ్‌మహల్‌లో బాంబ్‌ పెట్టా. త్వరలోనే అది పేలుతుంది’’ అని గుర్తుతెలియని వ్యక్తి ఫోన్‌ చేసినట్లు ఆగ్రా ఎస్పీ శివరామ్‌ యాదవ్‌ తెలిపారు. దీంతో వెంటనే అప్రమత్తమైన సీఐఎస్ఎఫ్‌, స్థానిక పోలీసులు అక్కడికి చేరుకుని తనిఖీలు చేపట్టారు. తాజ్‌ మహల్‌ను తాత్కాలికంగా మూసివేశారు. పర్యాటకులను బయటకు పంపి బాంబ్‌ స్క్వాడ్‌, డాగ్‌ స్క్వాడ్‌తోతో విస్తృతంగా తనిఖీలు నిర్వహించారు. అయితే తనిఖీల్లో ఎలాంటి పేలుడు పదార్థాలు లభించలేదు. దీంతో అది నకిలీ బెదిరింపు అని పోలీసులు నిర్ధారించారు. ఫిరోజాబాద్‌కు చెందిన వ్యక్తి ఈ కాల్‌ చేసినట్లు ఎస్పీ తెలిపారు. దీనిపై దర్యాప్తు చేస్తున్నట్లు వెల్లడించారు. 



ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని