ZyCOV-D: జైకోవ్‌-డి టీకా ధరపై వచ్చే వారంలో నిర్ణయం

తాజా వార్తలు

Updated : 21/08/2021 19:37 IST

ZyCOV-D: జైకోవ్‌-డి టీకా ధరపై వచ్చే వారంలో నిర్ణయం

సెప్టెంబరులో పంపిణీ ప్రారంభిస్తామని జైడస్‌ ఎండీ

దిల్లీ: దేశంలో మరో టీకా అందుబాటులోకి వచ్చేస్తోంది. గుజరాత్‌కు చెందిన ఫార్మాసంస్థ జైడస్‌ క్యాడిలా సంస్థ అభివృద్ధి చేసిన ‘జైకోవ్‌-డి’ వ్యాక్సిన్‌ అత్యవసర వినియోగానికి భారత ఔషధ నియంత్రణ సంస్థ (డీసీజీఐ) అనుమతులు మంజూరు చేసింది. ఈ సందర్భంగా టీకాకు అనుమతులు రావడంపై జైడస్‌ గ్రూప్‌ ఎండీ శార్విల్‌ పటేల్‌ హర్షం వ్యక్తం చేశారు. త్వరలోనే వ్యాక్సిన్‌ ధరను ప్రకటిస్తామని వెల్లడించారు. 

‘‘జైకోవ్‌-డి టీకా కరోనా వైరస్‌పై 66శాతం సమర్థతతో పనిచేస్తుంది. ఈ టీకాను 0-28-56 రోజుల వ్యవధిలో మూడు డోసులుగా తీసుకోవాలి. 12ఏళ్ల పైబడిన వారికి ఈ టీకా ఇచ్చేందుకు అనుమతులు లభించాయి. వ్యాక్సిన్‌ ధరపై వచ్చే వారంలో స్పష్టతనిస్తాం. సెప్టెంబరు మధ్య నుంచి టీకా సరఫరా ప్రారంభిస్తాం. అక్టోబరు నుంచి నెలకు కోటి డోసులను ఉత్పత్తి చేసేందుకు నిర్ణయించాం’’ అని శార్విల్ వివరించారు. 

‘జైకోవ్‌-డి’ వ్యాక్సిన్‌ దేశీయ పరిజ్ఞానంతో తయారైన రెండో టీకా. అయితే ప్రపంచంలోనే డీఎన్‌ఏ ఆధారంగా రూపొందిన తొలి వ్యాక్సిన్‌ ఇదే కావడం విశేషం. ఈ టీకాను నేరుగా చర్మంలోకి ఎక్కిస్తారు. ఇందుకోసం సూది అవసరం ఉండదు. నొప్పి లేకుండా ‘ఫార్మాజెట్‌’ అనే సాధనం ద్వారా దీన్ని ఎక్కిస్తారు. 



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని