దిల్లీ: పార్లమెంటు శీతాకాల సమావేశాలు వరుసగా నాలుగో రోజు కొనసాగుతున్నాయి. వాయుకాలుష్యం అంశంపై నేడు ఉభయసభల్లోనూ చర్చించనున్నారు. మరోవైపు జీరో అవర్‌లో చర్చకు పలువురు ఎంపీలు నోటీసులు ఇచ్చారు. ఏపీ రాజధాని అమరావతి నిర్మాణంలో ఆలస్యంపై తెదేపా ఎంపీ కనకమేడల రవీంద్ర కుమార్‌ రాజ్యసభలో  నోటీసులివ్వగా.. విమానాశ్రయాల్లో ఫ్లైట్‌ అనౌన్స్‌మెంట్ స్థానిక భాషల్లోనూ ఇవ్వాలన్న అంశంపై చర్చించాలని ఎండీఎంకే ఎంపీ వైకో కోరారు. యూపీ, బిహార్‌, ఝార్ఖండ్‌ రాష్ట్రాల్లో కార్మికులకు ఉపాధి అవకాశాలపై చర్చించాలని భాజపా ఎంపీ సకల్‌ దీప్‌ రాజ్‌బర్‌ జీరో అవర్‌ నోటీసులు ఇచ్చారు.