తెలంగాణలో ముగిసిన నామినేషన్ల గడువు

తాజా వార్తలు

Published : 11/01/2020 00:34 IST

తెలంగాణలో ముగిసిన నామినేషన్ల గడువు

హైదరాబాద్‌: తెలంగాణలో పురపాలక, నగరపాలక ఎన్నికల నామినేషన్ల దాఖలుకు గడువు శుక్రవారంతో ముగిసింది. ఎన్నికలు జరగనున్న 9 కార్పొరేషన్లు, 120 మున్సిపాలిటీల్లో అభ్యర్థులు భారీగా నామినేషన్లు దాఖలు చేశారు. ఇవాళ్టితో నామినేషన్ల గడువు ముగియగా రేపు పరిశీలన ప్రక్రియ చేపడతారు. నామినేషన్ల ఉపసంహరణకు ఈ నెల 14 వరకు గడువు ఉంది. ఈ నెల 22న పోలింగ్‌ నిర్వహించి 25న ఓట్ల లెక్కింపు చేపట్టనున్నారు. మరోవైపు బీ-ఫారాల విషయమై రాష్ట్ర ఎన్నికల సంఘం స్పష్టత ఇచ్చింది. నామినేషన్ల ఉపసంహరణ గడువు ముగిసేవరకు బీ-ఫారాలు ఇవ్వచ్చని ఎన్నికల సంఘం వెల్లడించింది. ఈ నెల 14వ తేదీ మధ్యాహ్నం 3 గంటల వరకు బీ-ఫారాలు సమర్పించవచ్చని ఎన్నికల సంఘం ప్రకటించింది. మొదటిరోజు 967 నామినేషన్లు దాఖలు కాగా.. రెండో రోజు 4,722 నామినేషన్లు దాఖలయ్యాయి. కొంత మంది అభ్యర్థులు ఆన్ లైన్ ద్వారా కూడా నామినేషన్లు సమర్పించారు.

కరీంనగర్‌లో 12 వరకు నామినేషన్లు స్వీకరణ
హైకోర్టు ఆదేశాల నేపథ్యంలో మొదట కరీంనగర్ కార్పొరేషన్ ఎన్నికకు నోటిఫికేషన్ ఇవ్వని రాష్ట్ర ఎన్నికల సంఘం నిన్న నోటిఫికేషన్ జారీ చేసింది. ఇవాళ స్థానికంగా రిటర్నింగ్ అధికారులు ఎన్నిక నోటీసు జారీ చేశారు. కరీంనగర్‌లో కార్పొరేటర్ పదవుల కోసం ఉదయం 10.30 గంటల నుంచి నామ పత్రాలు స్వీకరించారు. అక్కడ ఈనెల 12వ తేదీ వరకు నామినేషన్లు స్వీకరిస్తారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని