Politics: దిగ్గజ నేతల కలయిక.. సీనియర్‌ మోస్ట్‌ సోషలిస్టు మిత్రుడిని కలిశానంటూ లాలూ ట్వీట్‌

తాజా వార్తలు

Updated : 02/08/2021 17:25 IST

Politics: దిగ్గజ నేతల కలయిక.. సీనియర్‌ మోస్ట్‌ సోషలిస్టు మిత్రుడిని కలిశానంటూ లాలూ ట్వీట్‌

దిల్లీ: ఆర్జేడీ అధినేత లాలూ ప్రసాద్‌ యాదవ్‌, సమాజ్‌వాదీ పార్టీ వ్యవస్థాపకుడు ములాయంసింగ్‌ యాదవ్‌తో సోమవారం సమావేశమయ్యారు. దిల్లీలో సోమవారం జరిగిన ఈ దిగ్గజాల భేటీలో సమాజ్‌వాదీ పార్టీ అధ్యక్షుడు, ములాయం తనయుడు అఖిలేశ్‌ యాదవ్‌ కూడా పాల్గొన్నారు. ఈ భేటీకి సంబంధించిన ఫొటోలను లాలూ ప్రసాద్‌ యాదవ్‌ తన ట్విటర్‌లో పంచుకున్నారు. దేశంలోనే సీనియర్‌ మోస్ట్‌ సోషలిస్ట్‌ మిత్రుడైన ములాయంసింగ్‌ జీని కలిసినట్టు పేర్కొన్నారు. ఆయన బాగోగులను గురించి తెలుసుకున్నానని, ఉభయులూ కొన్ని అంశాలపై ఆందోళన వ్యక్తంచేసినట్టు తెలిపారు. రైతుల సమస్యలతో పాటు అసమానతలు, పేదరికం, నిరుద్యోగం తదితర అంశాలపై పోరాడే అంశంపై చర్చించినట్టు పేర్కొన్నారు. దేశానికి కావాల్సింది ప్రజల సమానత్వం, సోషలిజం తప్ప  క్యాపిటలిజం,  మతతత్వం ( కమ్యునలిజం) కాదని ట్విటర్‌లో తెలిపారు. ఈ భేటీకి సంబంధించిన ఫొటోలను అఖిలేశ్‌ యాదవ్‌ కూడా తన ట్విటర్‌ ఖాతాలో పోస్ట్‌చేశారు. వచ్చే ఏడాది యూపీ అసెంబ్లీ ఎన్నికలు జరగనున్న వేళ ఈ కురువృద్ధ నేతల భేటీ కీలక ప్రాధాన్యం సంతరించుకుంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని