చేపల విందు!

ఒకసారి ప్రవక్త (స) సహచరులతో కలిసి ప్రయాణిస్తున్నారు. మార్గమధ్యంలో కొందరు ఆయనకు దగ్గరగా వచ్చి కూర్చుని- ‘తినడానికేమీ లేదు, ఆకలితో అలమటిస్తున్నాం. ప్రయాణం చాలా కష్టంగా ఉంది’ అంటూ విన్నవించు కున్నారు. ఆ మాటలు విన్న ప్రవక్త (స) వారిని ఓదార్చి.. ‘అల్లాహ్‌ కనిపెట్టుకునే ఉంటాడు. త్వరలో మీకు విందు భోజనం ఏర్పాటు చేయనున్నాడు’ అన్నారు. ఆ మాటలు వినగానే అందరి ముఖాలూ వికసించాయి. కొంతసేపటికి వారు సముద్ర ప్రాంతానికి చేరారు. అలల తాకిడికి ఓ పెద్ద చేప తీరానికి వచ్చి పడింది. వారు వెంటనే ఆ చేపను మంటల్లో కాల్చి.. వండారు. ఘుమఘుమలాడే చేపల వంటకం సంతోషంగా తిన్నారు. అల్లాహ్‌కి కృతజ్ఞతలు తెలియజేశారు.

ఖైరున్నీసాబేగం