వీటిని అవెన్‌లో వేడి చేయొద్దు

మిగిలిన పదార్థాలు నిలవ చేసుకోవడానికి ఫ్రిజ్‌.. వాటిని తిరిగి వేడి చేసుకోవడానికి అవెన్‌ ఉన్నాయి. కానీ కొన్నిటిని అవెన్‌లో వేడి చేయొద్దని ఆహార నిపుణులు హెచ్చరిస్తున్నారు. అవేమిటంటే...

• పుట్టగొడుగులను (మష్రూమ్స్‌) తిరిగి వేడి చేస్తే అందులో ఉన్న పోషకాలు నశించడమే కాదు, ఇన్ఫెక్షన్లు కలిగిస్తాయి.
• ఉడికించిన కోడిగుడ్లు, చిల్లీ పెప్పర్స్‌, బ్రొకోలి, అవెన్‌లో వేడిచేస్తే అవి హానికరంగా తయారవుతాయి.
• అన్నం మిగిలితే.. రెండోరోజు అలాగే తినొచ్చు. అవెన్‌లో వేడి చేస్తే మాత్రం విషతుల్యమౌతుంది.
• నైట్రేట్లు విస్తారంగా ఉన్న బీట్‌రూట్‌, క్యారెట్‌, బచ్చలికూర లాంటివి అవెన్‌లో వేడి చేయకూడదు.
• ఉద్యోగినులు చనుబాలు భద్రం చేసి, బిడ్డకు ఆకలేసినప్పుడు తాగించే ఏర్పాటు చేస్తున్నారు. ఆ పాలు అవెన్‌లో వేడి చేయడం మంచిది కాదు. అవసరాన్ని బట్టి వేడినీళ్ల గిన్నెలో పాలపాత్రను ఉంచి గోరువెచ్చగా చేయొచ్చు.
• ఫ్రిజ్‌లో ఉంచిన పండ్లు చల్లగా ఉన్నాయని కొన్ని క్షణాలు కూడా అవెన్‌లో వేడి చేయకూడదు.
• కాఫీ వెంటనే తాగాలి. చల్లారిందని వేడి చేయకూడదు.
• ఉడికించిన బంగాళదుంపలు, ప్రాసెస్‌ చేసిన మాంసం, టొమాటో సాస్‌ అవెన్‌లో వేడి చేయకూడదు.