సీతాకోకచిలుకాడు

యవ్వనాన్ని సీతాకోకచిలుకలతో పోలుస్తారు చాలామంది. ఉరిమే ఉత్సాహం.. తరిగిపోని అందం ఈ రెండింటి సొంతం. కళ్లకింపైన రూపంతో.. రెక్కలు అల్లార్చుతూ సందడి చేసే సీతాకోకచిలుకలంటే ఇష్టపడని యువత అరుదే. మార్చి 14 ప్రపంచ సీతాకోకచిలకల దినోత్సవంగా జరుపుకొంటారు. ఈ సందర్భంగా తిరుపతి యువకుడు, బటర్‌ఫ్లై ప్రేమికుడు ఇనేష్‌ సిద్ధార్థ గురించి చెప్పుకోవాలి. తను శేషాచలం అడవుల్లో ఏళ్లకొద్దీ తిరుగుతూ పదులకొద్దీ అరుదైన జాతుల్ని తన కెమెరాలో బంధించాడు. అందులో లెప్టోటస్‌ ట్రిగెమెటాస్‌, చెస్ట్‌నట్‌ స్ట్రీక్డ్‌ సెయిలర్‌, ఆరెంజ్‌ టిప్డ్‌ పీ బ్లూ, ఎల్లో పాన్సీ, ఇండియన్‌ గ్రిజల్డ్‌ స్కిప్పర్‌, ట్వానీ కోస్టర్‌, లిటిల్‌ టైగర్‌ బ్లూ లాంటివి కొన్ని. ఒక్కో బటర్‌ఫ్లై కోసం రోజంతా ఎదురుచూసి ఫొటో తీసిన సందర్భాలు ఉన్నాయంటున్నాడు సిద్ధార్థ.