గోనె సంచి జాకెట్‌

చలికాలం వచ్చేసింది. వెచ్చగా ఉండే ఓ ఫ్యాషన్‌ జాకెట్‌ని డిజైన్‌ చేయాల నుకున్నాడు క్రిస్‌ మెనా. తను న్యూయార్క్‌ ఫ్యాషన్‌ డిజైనర్‌. తన బుర్రలో బోలెడన్ని ఆలోచనలు. ఈసారి కొత్తగా ప్రయత్నిద్దామని గోనె సంచులతో ఓ ట్రెండీ జాకెట్‌ని తయారు చేశాడు. సంచుల గరుకుతనం పోయి అచ్చమైన ఫ్యాబ్రిక్‌లా తయారు కావడానికి 350 డిగ్రీల ఫారిన్‌హీట్‌ వేడిని ఉపయోగించాడు. సరికొత్త డిజైన్‌ రావడానికి రీసైకిల్డ్‌ లెదర్‌నీ వాడాడు. అలా తయారు చేసిన ఈ జాకెట్‌ని సంవత్సరం పొడవునా వాడొచ్చట. ఇవి గన్నీ బ్యాగ్‌లతో తయారు చేసినవే కదా అని ధర తక్కువ అనుకునేరు. సైజులను బట్టి రూ.62వేల నుంచి రూ.2లక్షలుగా నిర్ణయించాడు. అయినా హాట్‌కేకుల్లా అమ్ముడవుతున్నాయి.