బ్రేస్‌లెట్టు.. నచ్చేట్టు!

యువతకి అందంతోపాటు హుందాతనాన్ని ఇస్తుంది బ్రేస్‌లెట్‌. దీన్ని మరింత స్టైల్‌గా మార్చాలంటే కొన్ని కిటుకులు పాటించాల్సిందే.

* సమ్మిళితం: బ్రేస్‌లెట్‌లో ఖరీదైనవి, లోహపువి, సిలికా, స్ట్రింగ్‌.. ఇలా చాలా రకాలుంటాయి. వేర్వేరు రకాలైనవి కలిపి ధరిస్తుంటే.. డిజైన్‌ వేర్వేరుగా ఉండేలా చూసుకోవాలి.

* తేలికగా: కొన్నిసార్లు ఒక్క బ్రేస్‌లెట్‌నే చేతికి అందాన్నిస్తుంది. బక్క పల్చని అమ్మాయిలు, అబ్బాయిలు తేలికైనవి వేసుకుంటేనే బాగుంటారు. లెదర్‌, సిల్వర్‌.. తేలికగా, అందంగా ఉంటాయి.

* కలపొద్దు: బ్రేస్‌లెట్‌ అనగానే చాలామంది ప్లాటినం, సిల్వర్‌, బంగారంలాంటి ఖరీదైనవి కోరుకుంటారు. హుందాగా ఉండాలనుకుంటే వీటిలో ఏదైనా ఒక్కటి వేసుకున్నా సరిపోతుంది. స్టైల్‌గా కనబడాలంటే సిలికా, ఇతర మెటీరియల్‌వి ధరించవచ్చు.

* దుస్తులు: మీ చేతి ఆభరణం స్టైల్‌గా కనబడాలి అనుకుంటే టీషర్టులు, పొట్టి స్లీవ్‌ చొక్కాలు.. అమ్మాయిలైతే స్లీవ్‌లెస్‌ దుస్తులు వేసుకోవడం తప్పనిసరి.

* గ్యాడ్జెట్స్‌: మరీ వదులుగా, మరీ బిగుతుగా ఉంటే సౌకర్యవంతంగా ఉండవు. బ్రేస్‌లెట్‌ వేసుకున్నప్పుడు చేతి చుట్టూ చిటికెన వేలు పట్టేంత వదులుగా ఉంటే అది సరైన సైజు.
సొగసు