రంగు పడితే.. మీరే స్టైల్‌ కింగ్‌!

కొత్త దుస్తులు.. కొత్త ఫ్యాషన్లతో అన్నిసార్లూ మాయ చేయడం కుదరకపోవచ్చు.. అప్పుడేం చేయాలి? ఉన్నవాటితోనే సరికొత్తగా, స్టైల్‌గా కనిపించేలా ప్రయత్నించాలి. ఉన్న ఔట్‌ఫిట్స్‌లలోనే సరైన కలర్‌ కాంబినేషన్‌వి ఎంచుకోవాలి. అప్పుడు మనం మెరిసిపోవడం ఖాయం.

* ముదురు ఆకుపచ్చ చొక్కా లేదా టీషర్టుకి జతగా నలుపురంగు జీన్స్‌ వేయాలి. వీటితోపాటు తెలుపు రంగు స్నీకర్లు వేస్తే బాగా ఎలివేట్‌ అవుతారు.

* లేత బూడిద రంగు ప్యాంట్‌పై ముదురు బూడిద రంగు చొక్కా ధరించాలి. ఈ రెండింటికి అదనంగా నలుపు రంగు బూట్లు వేస్తే ఆకట్టుకుంటాయి.

* లేత నీలం రంగు లేదా లేత ఆకుపచ్చ చొక్కాకి జోడీగా తెలుపు రంగు జాగర్స్‌ లేదా జీన్స్‌ నప్పుతాయి. వీటితోపాటు నీలిరంగు బ్లూ స్నీకర్లు.. కళ్లకింపుగా ఉంటాయి. ఈ కాంబినేషన్‌ కాలేజీ విద్యార్థులకు బాగా నప్పుతాయి.

* ఆలివ్‌ గ్రీన్‌ ట్రౌజర్‌పై తెలుపు రంగు చొక్కా వేయడం... కుర్రాళ్లకు ప్రత్యేకం. పాదరక్షలు సైతం తెలుపు రంగులో ఉంటే మెరుపులు మీవే.

* మెరూన్‌ రంగు చొక్కా, బీగ్‌ ప్యాంటు, బ్రౌన్‌ రంగు షూలు.. ఉద్యోగులు, కాలేజీ కాలేజీ విద్యార్థులు ఎవరికైనా బాగుంటాయి.

* లేత రంగు నేవీ బ్లూ, దీనికి జతగా బీగ్‌ కలర్‌ ట్రౌజర్‌... నలుపు లేదా బ్రౌన్‌ రంగు బూట్లు వేసి, టక్‌ చేస్తే హుందాగా కనిపిస్తారు.

- షణ్మిత గాయత్రి, ఫ్యాషన్‌ డిజైనర్‌