అనగనగా ఓ ట్రెండ్‌

సెల్‌ఫోనే కాదు.. దానికి వేసే స్క్రీన్‌గార్ఢూ. తొడిగే బ్యాక్‌ కవరూ స్టైల్‌గా, అందర్నీ ఆకర్షించేలా ఉండాలన్నది యువత పంతం. ఆ అభిరుచిని అందుకొని, సొమ్ము చేసుకునేలా విపణిలోకి కొత్తకొత్త గ్యాడ్జెట్లు వస్తూనే ఉంటాయి. ‘ది ఆర్మౌర్‌ క్యాండీ కార్నర్‌ ప్రొటెక్టర్‌’ అలాంటిదే. స్మార్ట్‌ఫోన్‌ నాలుగు మూలల్లో వీటిని బిగించాలి. ఒకవేళ ఫోన్‌ కింద పడితే, పగిలిపోకుండా ఇవి కాపాడతాయి. టేబుల్‌లాంటి ఉపరితలంపై పెట్టినప్పుడు దుమ్మూధూళి అంటకుండా చూస్తాయి. అంతకుమించి వీటి ప్రత్యేకత ఏంటంటే.. చూడ్డానికి జ్యువెల్లరీలా అందంగా, ఆకర్షణీయంగా ఉంటాయి. బిగించడం, విప్పదీయడం తేలిక. ఏడు రంగుల్లో దొరుకుతున్నాయి. వీటిని మొబైల్‌కి బిగిస్తే.. సొగసైన అమ్మాయిని నగలతో అందంగా ముస్తాబు చేసినట్టే కనువిందు చేస్తాయి.