దీపావళి.. సొగసుల కేళీ!

కాంతలు, కుర్రాళ్లూ కళకళలాడితేనే కాంతుల పండగకి అసలైన మజా. కానీ ఆధునికమైన స్టైల్‌తో చెలరేగే యువత ఈ సందర్భంలో సంప్రదాయానికి పెద్దపీట వేయాల్సిందే. సొగసులు ఇనుమడించేలా ఇదిగో ఇలా ముస్తాబు కావాలంటున్నారు ఫ్యాషన్‌ పండితులు.

* అబ్బాయిలు.. సింపుల్‌గా కుర్తాలు, షేర్వాణీలను ఎంచుకోవచ్చు. అమ్మాయిలకైతే మెరిసిపోవడానికి బోలెడన్నీ దారులు. చీరలో సింగారించుకోవడం నుంచి మొదలుపెడితే చెవిరింగులు, కాలి పట్టీలు.. వడ్డాణాలు.. తనువులో అణువణువూ పండగకి చోటివ్వొచ్చు.
* లెగ్గింగ్స్‌, జెగ్గింగ్స్‌ వదలలేం అనుకునేవాళ్లు పలాజ్జో, షరారాలకు ఓటేయొచ్చు. కుర్తాలూ ఎప్పటికైనా ఫేవరిటే. వీటిలోనూ కాంట్రాస్టు రంగులు, కళ్లకింపుగా కనబడే ముదురు వర్ణాలు ఎంచుకుంటే పండగ కళ ఉట్టిపడుతుంది.
* స్కర్టులంటే అభిమానం ఉన్న అమ్మాయిలు ఈమధ్య కాలంలో బాగా పాపులరైన ప్రింట్లతో కూడిన లాంగ్‌స్కర్టులు ఎంచుకోవచ్చు.
దీనిపై మెరుపుల టాప్‌ వేస్తే అందరి కళ్లూ పడటం ఖాయం. వీటికి జుంకాలు, చాంద్‌బలీలు జోడించాలి సుమా.
* మతాబులు, కాకరపువ్వొత్తుల మెరుపులు వీధుల్లోనే కాదు.. మీ ఒంటిపైనా ఉండాలంటే పేస్టల్స్‌తో కూడిన డిజైన్లు, చేతికి మెరుపుల గాజులు, మధ్యరకం హీల్స్‌, మెడలో ముత్యాల హారాలు.. ఎంచుకుంటే మరింత రిచ్‌ లుక్‌ వస్తుంది.
*  కుర్తాపైజమా, షేర్వాణీ, పఠానీ సూట్లు, ధోతీ కుర్తా, నెహ్రూ జాకెట్‌.. సంప్రదాయం ఉట్టిపడాలి అనుకునే అబ్బాయిలకు కొన్ని ఆప్షన్లు. ఫ్లోరల్‌ ప్రింట్లు, జామెట్రిక్‌ డిజైన్లు.. కుర్రాళ్లకు ఈ సందర్భంలో మరిన్ని మెరుగులద్దుతాయి.

• Deepavali
• Beauty
• Dresses
• Leggings