మరింత గ్లామర్‌గా..

కుర్రకారు బాగా ఇష్టపడే ద్విచక్రవాహనాల్లో ముందుండే పేరు హీరో మోటోకార్ప్‌ ‘గ్లామర్‌’. రూ.లక్షలోపు ధరతో, యువత మెచ్చే చాలా ఫీచర్లుంటాయి దీనిలో. ఈ టూ వీలర్‌ మరిన్ని మెరుగులద్దుకొని గ్లామర్‌-2023గా వస్తోంది. ఇందులో మార్పులు, చేర్పులు ఏమున్నాయంటే..

•  మస్క్యులర్‌ ఫ్యూయెల్‌ ట్యాంకు, గ్రాబ్‌రెయిల్‌తో కూడిన సింగిల్‌ పీస్‌ సీటు, కొత్త రూపంలో అలాయ్‌ చక్రాలు.. డిజైన్‌లో వచ్చిన ప్రధాన మార్పులు.
•  క్యాండీ బ్లేజింగ్‌ రెడ్‌, స్పోర్ట్స్‌ రెడ్‌ బ్లాక్‌, టెక్నో బ్లూ బ్లాక్‌.. కొత్తగా తీసుకొస్తున్న రంగులు.
•  ఎప్పట్లాగే 125సీసీ, 10.8పీఎస్‌,10.6ఎన్‌ఎం టార్క్‌.. పాత ఇంజిన్‌, సాంకేతిక ఫీచర్లతోనే వస్తోంది. లీటరుకి 63కి.మీ.ల మైలేజీనిస్తుంది.
•  సీటు ఎత్తుని రైడర్‌ స్థానంలో 8ఎంఎం, వెనక ప్రయాణికుడి స్థానాన్ని 17ఎంఎం తగ్గించారు. ఫుల్‌ డిజిటల్‌ ఇన్‌స్ట్రుమెంట్‌ క్లస్టర్‌, యూఎస్‌బీ ఛార్జింగ్‌, లో ఫ్యూయల్‌ ఇండికేటర్‌.. కొన్ని చెప్పుకోదగ్గ ఫీచర్లు.
•  ధర రూ.86,348 (ఎక్స్‌ షోరూం)