దివాళీకిలా.. మిలమిల

ఎల్లుండే దీపావళి. మతాబుల మెరుపులు.. దీప కాంతుల వెలుగుల పండగ ఇది. ఈ ప్రత్యేక సందర్భంలో యువత సైతం మేనికి మెరుపులు అద్దుకోవాల్సిందే. ఈ సమయంలో కుర్రకారు ఒంటికి ఏది నప్పుతుంది అంటే ముందు గుర్తొచ్చేవి సెక్విన్స్‌. వీటితోపాటు మెటాలిక్‌ ఎంబెలిష్‌మెంట్స్‌, క్రిస్టల్స్‌.. ఇవి అమ్మాయిల ఒంటికి మరింత శోభనిస్తాయి. సంప్రదాయమూ ఉట్టిపడాలంటే.. ఎంబ్రాయిడరీ గౌన్లు, బీడ్‌ డిజైన్ల చీరలు అక్కున చేర్చుకోవాల్సిందే. కాస్త ఆధునికత కావాలంటే పలాజో ప్యాంట్లు మరో ఆప్షన్‌. అబ్బాయిలకైతే కుర్తాలు మొదటి ప్రాధాన్యం. షేర్వానీలు, జాకెట్‌లు, ఫ్లోరల్‌ చొక్కాలు, నెహ్రూ జాకెట్లు, ధోతీ ప్యాంట్లు, ఎథ్నిక్‌ ప్రింట్లు.. ఇవన్నీ సంప్రదాయ ఫ్యాషన్లకు చిరునామాలుగా నిలుస్తాయి. దీపావళికి వీటిని ధరించి పండగని మరింత శోభాయమానం చేయండి మరి!