చక్రత్తాళ్వారుకు చక్రస్నానం

బ్రహ్మోత్సవాలు పరిసమాప్తం

చక్రస్నానం నిర్వహిస్తున్న దృశ్యం

నారాయణవనం: శ్రీ పద్మావతీ సమేత కల్యాణ వేంకటేశ్వరస్వామి బ్రహ్మోత్సవాలు పరిసమాప్తమయ్యాయి. శనివారం ఉదయం పల్లకీలో స్వామి, అమ్మవార్లను ఊరేగింపుగా పద్మసరస్సు వద్దకు తీసుకొచ్చారు. అర్చకస్వాములు ఉత్సవమూర్తులకు, సుదర్శన చక్రానికి సహస్రధార కలశాభిషేకం చేసి స్నానం చేయించగానే భక్తులు పుష్కరిణిలో పుణ్యస్నానాలు చేశారు. సాయంత్రం ధ్వజావరోహణం నిర్వహించారు. తితిదే డిప్యూటీ ఈవో నాగరత్న, ఏఈవో దుర్గరాజు, సూపరింటెండెంట్‌ ఏకాంబరం, ఆలయాధికారి నాగరాజు, అర్చకులు, తితిదే అధికారులు పాల్గొన్నారు.