ముగిసిన పరిశీలన.. మిగిలింది ఉపసంహరణ

29 వరకు గడువు

చిత్తూరు కలెక్టరేట్‌, న్యూస్‌టుడే: సార్వత్రిక ఎన్నికల నేపథ్యంలో ఎంపీ, ఎమ్మెల్యే స్థానాలకు సంబంధించి అభ్యర్థుల నామపత్రాల పరిశీలన శుక్రవారం ముగిసింది. చిత్తూరు లోక్‌సభ నియోజకవర్గానికి సంబంధించి 21 మంది అభ్యర్థుల నామపత్రాలు ఆమోదించామని జిల్లా ఎన్నికల అధికారి, కలెక్టర్‌ షన్మోహన్‌ తెలిపారు. చిత్తూరు ఎంపీ స్థానానికి 35 మంది అభ్యర్థులు నామపత్రాలు దాఖలు చేయగా 14 మంది నామపత్రాలు తిరస్కరించారు. ఏడు అసెంబ్లీ నియోజకవర్గాలకు సంబంధించి 137 మంది అభ్యర్థులు నామినేషన్లు వేశారు. 53 తిరస్కరణకు గురికాగా, 84 ఆమోదించారు. అభ్యర్థిత్వాల  ఉపసంహరణకు ఈ నెల 29 వరకు గడువు ఉంది.